魚一壽司 (京都廣場)

營業中

休息中

今晚約咗好朋友係銅鑼灣飯敘，經過呢間舖頭就比𠳔個門口吸引咗。望下menu見價錢唔貴就決定去試下。🔆炸蝦天婦羅🔆明太子玉子燒🔆芝士火炙三文魚壽司🔆芝有火炙皇帝蟹棒壽司🔆花之戀壽司🔆牛油果壽司🔆鰻魚壽司🔆三文魚壽司🔆牛舌串🔆日本直送大拖羅壽司🔆油甘魚腩壽司🔆秋生紫菜卷椰子雪糕QR code落完單之後，好快就成枱都係嘢啦😂第一樣最想食嘅就係新鮮滾熱焫嘅炸蝦天婦羅！超新鮮！外面炸得超脆乾爽，裡面嘅蝦依然爽口彈牙！食完3隻都唔覺得油膩！讚！第二樣一定要趁熱食嘅就係明太子玉子燒。夾起嘅時候，感覺外面好實在，但係裡面依保留到軟綿綿嘅感覺！半熟蛋夾住流心嘅明太子，好有層次！明太子嘅鮮甜亦有蛋香！絕對值得一試👍🏽之後就開始慢慢食壽司啦芝士火炙三文魚壽司可以話係超驚喜！芝士夠溶化，同三文魚嘅油脂好夾，令香味更濃郁！配合埋壽司飯，口感超正🤤成晚最特別一定係甜品，秋生紫菜卷椰子雪糕！店員會分別將紫菜，雪糕同埋海鹽擺喺你面前，然後細心教你點樣食👍🏽估唔到海鹽同紫菜配椰子雪糕係會咁夾！本身𠳔哋嘅椰子雪糕已經好香，裏面仲有粒粒椰肉，加埋少少海鹽同紫菜令到𠳔嘅味道更昇華，椰子味更突出！食埋呢個甜品就覺得呢餐飯更圓滿🥹