影片
更多
2019-02-26
101 瀏覽
時不時都好掛住日本既所有(當地既食物,當地既環境,當地既文化,當地既感覺…)無奈啦,望到頸都長都未放大假,未有得返鄉下,唯有食下優質既日本菜,以慰藉思鄉之情~今晚黎到呢間位於尖沙咀既立鮨,食之前,不得不介紹一下日本立食文化,立食按字面解就係企係到食,無錯~的而且確係無座位,只提供站立既位置用膳。立食文化除左企係到食,都講求速度。對於立食既由來有好多唔同既講法,今日既食評就唔係要講書既,而係好欣賞好享受呢一餐富盛既晚餐,而值得花心思去分享比睇緊我呢篇食評既你~店內環境唔算大,但係裝潢中,睇到店係有花到心思,抬頭一望就係白櫻花,一望見櫻花就自自然同日本拉上一點感覺,地方雖然係細,但有位置比你擺袋﹑掛起外套。而眼前就有你需要用既餐具,重有師傅。師傅態度有禮,每次上菜都會同你講呢一個係乜野,見到佢亦會關心客人熱食會叫客人睇熱,非常貼心。立鮨就聲稱食材每日都係新鮮運送到,等我試下先。有一張order紙,你填好交比師傅,一張order紙可以叫3轉野食,只係睇字唔知叫d咩好?唔洗驚,有本menu提供,menu就有晒圖片比你參考啦~散點壽司(價錢由$9至$48任你選擇,即叫就即整): $9自家製玉子壽
今晚黎到呢間位於尖沙咀既立鮨,食之前,不得不介紹一下日本立食文化,立食按字面解就係企係到食,無錯~的而且確係無座位,只提供站立既位置用膳。立食文化除左企係到食,都講求速度。對於立食既由來有好多唔同既講法,今日既食評就唔係要講書既,而係好欣賞好享受呢一餐富盛既晚餐,而值得花心思去分享比睇緊我呢篇食評既你~
店內環境唔算大,但係裝潢中,睇到店係有花到心思,抬頭一望就係白櫻花,一望見櫻花就自自然同日本拉上一點感覺,地方雖然係細,但有位置比你擺袋﹑掛起外套。而眼前就有你需要用既餐具,重有師傅。師傅態度有禮,每次上菜都會同你講呢一個係乜野,見到佢亦會關心客人熱食會叫客人睇熱,非常貼心。
立鮨就聲稱食材每日都係新鮮運送到,等我試下先。有一張order紙,你填好交比師傅,一張order紙可以叫3轉野食,只係睇字唔知叫d咩好?唔洗驚,有本menu提供,menu就有晒圖片比你參考啦~
散點壽司(價錢由$9至$48任你選擇,即叫就即整): $9自家製玉子壽司﹑$9芝士飛魚籽軍艦﹑$12芥辣八爪魚軍艦﹑$15北海道帶子壽司X2﹑$15粒貝壽司﹑$20火灸海膽蟹棒壽司﹑$25油甘魚壽司﹑$25深海池魚壽司
可能你會話我,下~黎得立鮨竟然食玉子壽司,芝士飛魚籽,但係佢真係對得住$9呢個價錢。芥辣八爪魚辣度100分, 八爪魚夠爽。北海道帶子抵讚,鮮甜不在下話,終於食到一個係溫度合宜既帶子,而唔係凍冰冰得個大字既帶子。火灸海膽蟹棒,濃濃火灸亦蓋唔過海膽蟹棒既甜。油甘魚同深海池魚都真係比隻手指公,食得夠鮮~
唔想逐件散點,可以選擇盛合,而我今晚就試左$58特選三文魚盛合(三文魚壽司﹑三文魚腩壽司﹑火灸三文魚壽司﹑三文魚小卷﹑辣三文魚軍艦)﹑$138立鮨特上壽司拼盤(牡丹蝦壽司﹑深海池魚壽司﹑北海道帶子壽司﹑中吞拿魚腩壽司﹑海膽壽司)。當你一件一件咁食,你就會食出點點心思同配搭,例如牡丹蝦壽司,帶啖啖檸檬香,有芝麻味道,口感滿足。又例如三文魚配上生洋蔥,為你味蕾帶黎多番衝擊。整體壽司飯唔會一夾就鬆散, 黏度同味道岩岩好。你睇下個海膽引誘人~
$38海膽手卷,除左擺滿個面,食到中間都有嫁!!!
$158特上北海道魚生飯。無論你對邊一款魚生飯感興趣,我都會建議你試呀~ 一咬落去,我先唔講刺身,你都會食得出佢既飯既味道同香係好獨特。平時食壽司/自己係屋企整壽司都好多時用白醋,然而立鮨就係用江戶前與兵衛赤醋,大家可以留意下飯既顏色,顏色較紅,食落去更香郁。配埋新鮮既食材當然係享受啦
$58吞拿魚刺身3片。新鮮無筋,你睇下Ｄ紋幾靚,刀功同樣重要！
其實立食文化(指無得坐,快速完成膳食),某程度都幾適合香港人急促既節奏,其實快餐文化都滲入香港好多年,如果你唔怕企係到食既,不妨試下立食,而立食之中我個人係推薦性價比高既立鮨。回頭率10/10。食飽之後見到出面排晒大隊,好在我地食得早(18:30),不過食好野係要等下既~
立鮨
地址 :尖沙咀金馬倫道23號金馬倫廣場地下D舖
電話號碼:28363830
營業時間:星期一至日12:00 - 23:30
張貼
