影片
更多
2018-02-23
14264 瀏覽
今日同左2個好朋友約食飯派利事, 見到呢間近排在OPENRICE上既熱門推薦新店, 我地又點會放過呢個咁好既機會去試呢. Menu 上的菜色名都好特別我地叫左幾個唔同的菜色試一試,上菜係好快仲要好到差不多所有菜一齊上晒. 每道菜色店員都好細心解釋用料同埋製作方法, 令到我地邊食之餘仲長左唔小知識. 敲糖棒棒雞好得意好好玩呀! 真係用好玩去形容, 店員俾番呢個玩既機會俾我地. 我地就交俾一個壽星女去處理. 麥芽糖包住紅油一敲所有紅油就流晒落D 雞肉度, 成個感覺係好似食緊口水手撕雞咁. 又冇骨啖啖肉好正~孜然羊架就係睇個賣相就知道佢係好野味, 我唔食羊肉因為真係好怕SO 不過呢個都可以食到, 因為有孜然粉又辣辣地真係非常野味.仲有好多溫室車厘茄同埋薯仔放底, 吸最肉汁的精華真係好PERFECT.由於前2個都太激啦有一個朋友仔頂唔住所以我地就叫左一個唔辣的小米金湯獅子頭. 呢個味道係我地意想唔到既, 開頭會以為係粟米湯咁既味, 點知原來唔係. 第一啖個D 小米似係一D特別既粗烺好有咬口再食就食到好濃郁的雞湯味. 個湯底俾小燭光滾住KEEP住個熱度, 愈食愈好味. 個獅子頭係有魚肉一齊打(都
Menu 上的菜色名都好特別我地叫左幾個唔同的菜色試一試,上菜係好快仲要好到差不多所有菜一齊上晒. 每道菜色店員都好細心解釋用料同埋製作方法, 令到我地邊食之餘仲長左唔小知識.
敲糖棒棒雞好得意好好玩呀! 真係用好玩去形容, 店員俾番呢個玩既機會俾我地. 我地就交俾一個壽星女去處理. 麥芽糖包住紅油一敲所有紅油就流晒落D 雞肉度, 成個感覺係好似食緊口水手撕雞咁. 又冇骨啖啖肉好正~
孜然羊架就係睇個賣相就知道佢係好野味, 我唔食羊肉因為真係好怕SO 不過呢個都可以食到, 因為有孜然粉又辣辣地真係非常野味.仲有好多溫室車厘茄同埋薯仔放底, 吸最肉汁的精華真係好PERFECT.
由於前2個都太激啦有一個朋友仔頂唔住所以我地就叫左一個唔辣的小米金湯獅子頭. 呢個味道係我地意想唔到既, 開頭會以為係粟米湯咁既味, 點知原來唔係. 第一啖個D 小米似係一D特別既粗烺好有咬口再食就食到好濃郁的雞湯味. 個湯底俾小燭光滾住KEEP住個熱度, 愈食愈好味. 個獅子頭係有魚肉一齊打(都係店員講) 食落比較嫩身唔會死實實的豬肉.
呢個山葵鳳尾蝦真係出足料有好多隻, 仲要好好好好味. 蝦既肉質又夠爽, WASABI 沙律再加小小香芒汁酸酸甜甜得黎又帶小小WASABI既攻鼻, 實在係令人太複雜既感覺啦.
我地叫左2碗細細碗的湯麵黎SHARE, 真係喜出望外既係個擔擔麵令到我好SURPRISE. 好濃郁的花生味仲有小小麻辣, 佢有別於出面的係好多時食到出面的係花生醬加辣椒油, 呢個唔會油膩仲令到你愈食愈想食. 配埋小小肉碎花生碎同埋蔥粒格外滋味.
最後呢個好似一張山水畫咁既係一個墨魚餃, 呢個係唯一一樣令到我地失望既野. 店員話個皮係師傅加墨汁去搓成, 仲有下面既襯托令到成個畫面好似山水畫一樣. 味道好普通同埋個皮好厚, 個餡既豬肉仲要唔嫩滑係全晚唯一一個唔好食既菜色.
張貼
