惠 (已結業)

今日好開心，終於返左成個星期忙碌嘅工作，可以有時間去拍下拖食下野😆😆男朋友仲專登搵咗一間好有特色嘅餐廳帶我去試吓！去咗呢間係惠呢間餐廳喺地鐵站出口一出，行幾分鐘就去得到，非常方便！已經好耐都冇食過咁高質嘅日本廚師發辦！！食物質素絕對對得住佢哋呢個價錢！成餐飯嘅整體體驗都係好好！首先不得不讚嘅係呢度嘅廚師，成晚都有好用心咁講解食物菜式同埋介紹！而且仲有講有笑，氣氛好好👍🏻👍🏻食物方面，整體嘅刺身壽司都係好新鮮！有好多唔同種類嘅刺身都可以食得到！唔同嘅魚！坦白講，雖然佢講完之後，轉個頭都唔係好記得！但係食得出啲魚生好好食！而且成個擺盤亦都好靚！好有心思❤️❤️