和牛燒肉‧純

上個月去完日本旅行，超掛住當地既壽喜燒同日式燒肉，日本既餐廳都會用返佢地本地新鮮食材，真係令人回味無窮，早幾日突如其想想食日式燒肉，上網做左下功課搵至依間專門食日本和牛既燒肉餐廳，男友細心預先訂座，餐廳六點一開門，我地就係第一枱客人，店員友善帶我地入座，我地既座位係小包廂座，每個包廂之間都用扇門隔開，如果多人聚餐可以打開中間既門打通變大包廂，感覺都唔錯店員亦介紹唔同既和牛款式比我地，最後揀左特選日本產和牛肉眼拼盤，當中有和牛肉眼、上牛排肉、牛排肉同牛舌先食個前菜醋味沙律，生菜、青瓜片拌左柚子醋汁，酸酸地夠哂開胃食完沙律，話咁快和牛拼盤就送上，見到雪花紋就已經心花怒放我地先燒下面既和牛牛排肉，用慢火網燒一陣，七分熟就食得，牛排肉油份唔算好高，但牛味好出，口感非常軟熟跟住就到中間既特選上牛排肉，油份比前者較高，口感同牛排肉一樣咁軟熟，食到成口都係油香，超正!之後就到肉眼，依款係咁多款和牛肉之中油脂最高，入口即溶但相對牛味無咁重，但已經好食到不得了，軟熟度係十級，配飯食真係無得彈最後就到牛舌，入口好爽韌，完全無騷味，薄切輕燒一陣就得!整體而言，和牛質素真係無得輸，好美味，油脂香好出，服務亦非