COZi Lounge

營業中

休息中

知道呢間酒店餐廳嘅價錢好平好耐，但係一直冇機會試，因為次次嚟到都去食佢樓下嘅buffet。今日朋友見到原來佢而家滿$500 再打卡就會送甜品，咁就一於嚟試吓啦。因為我到咗先，咁我就叫咗啲小食等我朋友，分別叫咗燒牛舌，同埋炸薯條。估唔到佢嘅份量都好大，食完個小食差啲無胃口食正餐。我覺得佢嘅牛舌好抵讚，因為大大塊而且勁厚，亦都好新鮮愛好有牛味。我留咗一舊俾朋友，雖然佢黎嘅時候已經凍晒，但係佢都覺得好好食。正餐方面，我叫咗個三文魚帶子。佢嘅份量又係好大，而且三文魚好新鮮，煎得好嫩滑，又香又好食，一啲都唔會有腥味。而個帶子都好大嚿，而且佢仲配埋炸薯角，真係好足料。最後我哋夠$500 ，就送咗呢個甜品。一上枱嘅時候因為啲乾冰，所以噴晒煙，好適合打卡。呢間酒店餐廳又平又好食，雖然地方唔方便，但係都一定會再嚟食吓。