60
0
0
港鐵葵興站 B 出口, 步行約13分鐘
繼續閱讀
電話號碼
38911938
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
食家推介
約了舊同事出來傾計, 我決定帶佢去葵涌入面的一間酒店餐廳COZi Lounge食, 因為上次都去過, 覺得好適合大家吹水, 環境舒服, 食物質素都OK！如果葵興MTR行去大約10分鐘多少少, 其實都好近, 只係我地平時少入去入面的工業區, 不過我地仲醒目, check清楚個時間, 直接在新都會高場下面等接送巴入去酒店, 舒服方便!海鮮拼盤分享組合$588有晒我想食的海鮮，加埋枝白酒啱晒慢慢傾下計的我們！龍蝦係波士頓龍蝦，食落肉質彈牙而且有膏、生蠔完全唔腥，一食就知係新鮮的，連檸檬汁都可以唔加、翡翠螺好大隻，容易拮出來，螺肉厚實有咬口、青口同凍蝦雖然唔算大隻但勝在夠新鮮。另外白酒有冰桶保持冰感，白酒容易入口，食啖海鮮講多兩句又飲啖酒，唔經唔覺就飲晒！炸軟殼蟹冬陰功汁闊條麵$148軟殼蟹有埋造型，都幾大隻，頭頂有兩條咋面條扮觸鬚，很香脆。闊條麵上放了些芽菜，增加口感，冬陰功汁都有少少辣，很開胃，仔細睇可以見到好多冬陰功汁都掛喺麵上。餐廳環境裝修很時尚，而且座位舒服，下次可以再encore！
繼續閱讀
Weekend最岩約埋好友去酒店食返個tea….呢間酒店既afternoon tea set好抵食，性價比好高，原價都只是$398再加一兩位用。而且有時仲見到openrice有做promote，更抵。每人百幾蚊又可嘆tea又可打卡又可聊下天。餐廳環境好舒適，座位都好闊落，唔錯唔錯。今日好幸運，被安排到花花牆身旁邊的座位，打卡好靚，都跟朋友都十分開心。呢個set好抵食，有咸點跟甜點，而且仲包了兩杯芒果茶，好清新好重果味，唔錯，超解暑的。野食方便，咸食甜食都相當唔錯。好多唔同款，岩曬一邊傾計一邊嘆下甜品。賣相同食物都不錯，三層架向來都是女生們的至愛，可以悠閒地過了一個下午，很爽。呢個以芒果為題既下午茶，好吸引。有幾款食物想特別推介一下，十分有特色。燒紫菜挪威三文魚配魚子醬，滿滿的三文魚鋪在脆米餅上，三文魚肥美鮮甜，十分好味，咬下去又爽又脆，滿滿的食材於口中，好滋味。香芒牛油果蟹肉杯～芒果甜甜的，十分清新，整個沙律杯好fresh,好正。芒果脆皮泡芙，泡芙賣相十分可愛，看似一個迷你的落菠蘿包，吃起來泡芙煙煙韌韌，中間的芒果cream滿滿的，好香好幼滑。綠茶香芒豆乳布甸～滿滿的芒果粒又香又甜，下層仲係綠茶布甸，綠茶味跟芒果粒好夾，又甜又濃郁茶味，好正。餐廳tea set性價比高，室內環境舒適，室外仲有很多綠色樹草，影相或聊天都相當不錯。
繼續閱讀
🍵夏日.芒芒.茶.2人下午茶 $398 @hotelcozi @cozilounge 日日都30幾度，今日就去食佢個夏日high tea~呢間一定要大推畀我啲狗狗朋友丫#寵物友善 #petfriendlyhotel #petfriendly 🧁第一層香芒牛油果蟹肉杯燒紫菜挪威三文魚伴魚子醬綠茶芒果卷兩款咸點+甜點組成嘅第一層茶點。先有3重滋味嘅香芒牛油果蟹肉杯再有以燒脆咗嘅紫菜為中心伴以魚子醬突出鮮味嘅挪威三文魚～同埋以綠茶包住芒果忌廉餡，口味清新嘅綠茶芒果卷。- 🧁第二層澳洲和牛批粟米片脆蝦配香芒沙沙綠茶香芒豆乳布甸同樣以2咸1甜嘅配搭組成第二層。澳洲和牛批外表睇係無乜特別嘅一個批，卻有牛味濃嘅內涵，咬落仲好多汁另一款係以粟米片外層包住嘅脆蝦就咁食已經好有鮮味沾埋底層嘅香芒沙沙一齊食又係另一番風味最後亦係最吸晴嘅甜點蛋殼裝住嘅綠茶香芒豆乳布甸，綠茶味十分香濃。-🧁最後一層4種外型好靚嘅甜點🍮綠茶芒果慕絲青蘋果杏仁蛋糕芒果脆皮泡芙芒果芝士餅青蘋果杏仁蛋糕入口酸酸甜甜好特別芒果脆皮泡芙口感外脆內軟芒果芝士餅就比較突出芝士味，保留少少芒果清甜、個人最鍾意係綠茶芒果慕絲，兩種清新嘅配搭令甜度啱啱好。-最後當然唔少得杯茶，跟餐有兩杯夏日芒芒茶，口味清新啱晒夏天飲。-
繼續閱讀
我最近愛上下午茶，悦品酒店的「COZi Lounge」餐廳推出「春日尊貴二人下午茶」，趁假日與家人共嘗美點。高雅的三層層架承載鹹甜中西美點共十款，十分吸睛！最高層鹹點是：三文魚玫瑰卷、雞尾酒蝦和鵝肝多士。原本對三文魚的喜愛祇是一般，但面對玫瑰造型的魚卷，也要捧場了！很爽脆的雞尾酒蝦配特制醒胃醬汁，口感與味道都能喚醒味蕾。油脂不太重的鵝肝多士夾著爽甜青瓜吃，真不賴！第二層鹹點是：忌廉芝士蘑菇釀雞翼和鮑魚酥皮盒。釀得很飽滿的香脆雞翼帶來豐富的味道，現在也回味著喔！鮑魚酥皮盒，有著名貴的造型，唯一美中不中是酥皮盒裏的配料獻汁略鹹少許。第三層甜點分別是：燕窩奶凍、脆松露朱古力、紅莓撻、雜錦芝士餅和法式多士啤梨歌劇院蛋糕。五款甜品款式都是我心儀之選，各有特色與美態，首選是燕窩奶凍，白白滑滑奶凍上添加金泊及燕窩，矜貴又甜美，滋潤又窩心呢！
繼續閱讀
#葵興#cozilounge偶爾食個好啲既lunch有助放鬆一下工作日既壓力😌😌葵興附近好少西餐食但酒店入面既西餐lunch set都唔錯最緊要坐得舒服😌 食就自然自在好多 酒店分兩層都有餐廳平時食開下面個層 間中會有自助餐或者lunch set 人流較多而今次係第一次試上面個層既Cozi lounge 人流較少 所以聚會🎈空間感較大今次叫既lunch set 前菜有1️⃣七味吞拿魚配脆煙肉沙律口感好特別 真係有啲似食緊燒肉明明係生既吞拿魚 但表皮經烤焗配上七味粉 好脆 半生半熟既口感昇華不少💓💓💓 第度都少食到呢個前菜👍🏻湯🥣甘旬藜麥湯 好creamy💯Main 最後就有豬鞍扒配炒薯配牛油法邊豆 🐖🫛🫛🫘厚切豬鞍扒 好滿足😌而配菜有個好似芋泥溶既點綴仲有大啡菇🤤🤤 安靜地享受lunch 推薦👍🏻#foodporn#foodphotography#instafood#instadaily#hkfoodie#hkfood#lunch#kwaihing#kwaichung#kwaitsing#food#美食日記#18區
繼續閱讀