博多拉麵別天神 (已結業)

同老公去銅鑼灣行街 本來想食一蘭 但係午飯嘅時間實在太多人儘管已經唔係星期六日 就去咗隔離嘅別天神食 估唔到更加有驚喜 門面唔大 座位亦都唔多 佢採用全自動畀錢機 基本上門口揀好食乜 粒聲都唔出 遞張紙畀店員 佢就已經會自動波煮畀你食 不過當然我有講唔該 座位就ok 都係普通拉麵店嘅高櫈 可惜 因為當日實在太熱 嗰度冷氣有啲真係不夠我揀咗食蝦拉麵 睇圖都已經覺得好好味 佢比較特別嘅係叉燒係即場煮畀你睇 見到佢將叉燒放落啲面度 再用火燒 即刻覺得個面更加好食 個湯底好好味 係用純水加豬骨淆成 非常之濃味 好香好香豬骨味 唔知點解襯埋啲蝦仔 個面就好有鮮味 佢啲叉燒好大塊 有三塊 比一蘭分量多好多 佢嘅口感同層次都比較多 因為佢有好多配料 唔使好似一蘭咁樣樣都要加錢 只係幾十蚊 真係抵食好多 老公係 原味豬骨湯拉麵 佢少咗啲蝦同粟米 但係就多咗木耳同溫泉蛋值得一提嘅係溫泉蛋好好味 其實睇圖已經見到佢啲蛋汁流曬出嚟 不過成間別天神 最好味係唔起眼嘅鍋貼 皮薄餡靚又煎得好脆 食嘅時候仲會有啲餃子汁走出嚟 總括嚟講如果嗰日唔熱就好啦 因為喺嗰度 美食嘅體驗 有95分 係因為熱 扣咗嗰五分