99
23
5
港鐵銅鑼灣站 D4 出口, 步行約4分鐘 繼續閱讀
所有分店 (5)
電話號碼
3488 2693
開飯介紹
正宗日本拉麵店,沒有落味精的拉麵湯底濃郁不油膩,選用較少見的幼拉麵,比普通拉麵更吸湯。 繼續閱讀
營業時間
星期一至日: 12:00-15:30; 18:00-00:30
付款方式
Visa Master 現金 銀聯
座位數目
12
其他資料
外賣服務
加一服務費
食評 (131)
等級3 2017-02-08
322 瀏覽
我又去發掘香港地好食既拉麵啦~因爲之前成日都只係光顧九龍區既拉麵店 琴日決定同朋友去港島區搵下有冇出色既日式拉麵~聽人講銅鑼灣博多拉麵別天神好唔錯 而且價錢都合理 所以決定一試😁睇黎呢間拉麵店並非浪得虛名 我地去到冇耐已經大排長龍 好多人都等住入去食拉麵~ 博多拉麵別天神係一間極富傳統日本風格既小店 店內全部都係高枱 對住入面既煮食台 非常之有氣氛 ☺等左一陣我地終於入到去食喇 😆 料理枱張貼住好多張貼心既小告示 教顧客點樣食先可以食到拉麵既精髓 又推介一啲添加口味既方法 😋喺啲小告示既旁邊 有一張好精美既餐牌 佢用勾吊住係到 好有特色 ☺ 可能想專注烹調既技巧 同埋保持食材既新鮮 呢間拉麵店主打兩款拉麵 分別係豬骨湯拉麵同埋期間限定既櫻蝦麵豉湯底~ 因為前排先食完櫻蝦麵豉湯頭既拉麵 我同朋友都想食返傳統口味既豚骨拉麵😋豚骨拉麵定食一set 仲有埋餃子 夢寐以求既拉麵轉眼間呈現喺我地既面前😍 喺起筷之前已經聞到香濃既豚肉味道 仲有煎得好香既日式餃子 😋拉麵既豚骨湯頭咸淡適中 而且比我平時食開既豚骨湯頭濃好多~ 拉麵煙韌爽口 可以自選軟硬度、粗幼度🍜 豚肉份量亦都幾足料 雖然只有兩片 但係豚肉好大片 厚度亦都好合心意🍖😍 估唔到有足足一隻味蛋!平時食親拉麵 一係要加錢先有味蛋 一係就只得半隻😭 今次竟然奇蹟地有兩半 食拉麵冇溏心蛋會好失色~🍳 半熟蛋黃既蛋香滿足左我地味覺既享受 😋💓點一個套餐就有兩半味蛋同埋日式餃子 其實都真係幾抵 😍 呢碟餃子係名副其實既皮薄餡靚 餃子既外皮煎得好香脆 而餃子所用既豬肉鮮嫩多汁 一咬落去 啲肉汁四濺 令人齒頰留香😋大家食拉麵之餘 都可以試埋佢既小食🍴整體黎講 博多拉麵別天神係一間唔只得名氣 仲好有熱誠既餐廳 佢地專注拉麵既質素同埋選料~ 服務員既態度都幾友善 好樂意為顧客服務 ☺ 佢地好似岩岩又開多左間分店 睇黎好受大眾歡迎 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-06
231 瀏覽
我男朋友好喜歡吃拉麵,所以一拉麵癮起就會去發掘不同的拉麵去食~這一間其實已經開左一陣子,今次終於黎呢間會一會佢啦!其實這間拉麵店有幾間分店,香港九龍都有,證明都幾受香港人歡迎~今次就黎到銅鑼灣這一間分店~因為是午飯時間,所以都要等一陣子先可以入座!這間拉麵店跟日本的很相似,因為店面好小,只有不到十個的吧枱座位~如果有人係度行入去都要側側身先入到去!開放式的廚房可以近廚師更接近,這裡也有提供飲用水,可以自行飲用不另外加錢!一貫日本拉麵店的風格,這裡只有2款拉麵及2款小食選擇!座位前都擺放了各款的調味料及建議的食用方法,除左本身的湯底味道之外,仲可以自行調較自己喜歡的味道~蝦味噌豚骨湯麵(套餐HK$115, 另配一款小食)落單後也很快送上一碗熱騰騰的拉麵,已經聞到陣陣鮮蝦的香味~上面有少量櫻花蝦乾,就是這碗拉麵的靈魂,而湯底是以豚骨湯底為主,不油膩但味道好香濃~也配有蔥花、栗米、叉燒及半熟蛋等~叉燒肉質嫩滑,薄薄一片好易咬開,亦都好入味!而它的拉麵麵質好煙韌,軟硬度適中,好有口感,份量亦都適中~而套餐就配上煎餃子~餃子餡是以豬肉及九菜為主,薄皮餡料多,不會過咸! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-01-27
325 瀏覽
新年前去了銅鑼灣準備買入新年食品,行到好累經過呢間別天神拉麵小店 細細間店2個朋友黎傾下計都唔錯 突然入到店內有點似去了日本一樣 拉麵鋪約有十個位左右 店裡十足日本拉麵店 風味絕佳 入到黎知道這間拉麵店的湯底無味精 由100%豚骨長時間熬製而成,真真正正可飲到無味精既湯底 真的好怕飲完湯底都係要飲水 枱上更提供不同調味料可以比自己選擇 有辣芽菜、七味粉、拉麵汁、蒜蓉、紅薑絲, 店內只有兩款拉麵選擇 分別有蝦味噌拉麵及豚骨拉麵 可以單點或叫套餐 小食都可以單點 不過我都係覺得套餐樣樣有抵食一0的 套餐中點選了小龍蝦蟹子沙律 小龍蝦蟹子沙律有粒粒蝦肉同沙律醬,連埋紫菜包起一齊食 每一口都感受到鮮味,可口得來又醒胃 豚骨湯底拉麵套餐 (HK$105) 拉麵來到清晰見到奶白色湯底,因點了套餐配有叉燒,半熟蛋及木耳, 飲一口已感到有種豬骨湯的味道非常濃郁,清淡得來又健康, 豬骨的精髓都在入湯中,濃重香氣隨白煙撲鼻湯底仲好夠熱,幼身拉麵夠煙韌。 有埋半熟蛋真係好有風味 一口咬落去蛋黃中,濃郁又滑嫩的口感 蝦味噌豚骨拉麵套餐 (HK$115) 拉麵滿滿都是櫻花蝦,仲有溏心蛋及粟米粒 個湯底非常有濃濃的蝦味,相信花了不少時間去煲 麵條很幼軟硬適中 2片叉燒片的厚度剛剛好 日式叉燒片不覺得油膩 套餐中跟有餃子4隻 餃子香而且食落去個邊都脆口,外面餃子皮薄 餡料有韮菜及肉碎,本身都喜歡食韮菜 食左4隻其實都幾飽肚 兩款拉麵都一樣好食,很有日本風味又有水準既拉麵 用料、湯底及小食全部都夠足料 食得健康又開心同滿足 店員服務都很有禮 繼續閱讀
(以上食評乃用戶個人意見 , 並不代表OpenRice之觀點。)
專注的豚骨拉麵 焦點食評
等級4 2017-01-24
259 瀏覽
拉麵店於香港越開越多,不少也進駐了銅鑼灣。除了名氣度較高的豚王、一蘭之外,亦有不少相對低調的小店。位於銅鑼灣世貿的後方,有一間細小的拉麵店-博強拉麵別天神。門面頗為樸實簡單,但帶有日式的風味。走進店內,亦是日式的設計,食客都是圍著料理範圍的。食店小小,只有十多個座位。食物方面,餐牌非常簡單。基本上只有四款食物,分別是兩款拉麵及兩款小食,可能這樣更能專注於食物的烹調。拉麵有豚骨湯麵及蝦味噌豚骨湯麵;小食則是餃子及小龍蝦蟹子沙律。二人同行,剛好每款也可以試試。餃子拉麵套餐的餃子有四隻。餃子煎得金黃色,但略為油膩,而且餃子皮煎得不夠乾身脆口。餡料濕潤,以韮菜為主調,韮菜味很香。小龍蝦蟹子沙律沙律以球體形呈上,配上六塊紫菜。沙律的調味、濕度也恰到好處,值得一讚。沙律以薯蓉及小龍蝦肉,加上沙律汁混製而成,並且加入了蟹子。薯蓉的夥粒很小,沙律滑中帶點口感。小龍蝦肉肉質爽新鮮,配上蟹子的味道,帶出鮮甜。豚骨拉麵拉麵店標榜豚骨湯底真材實料,以豚骨及純水熬製而成,不含味精及奶類製品。先嚐一口豚骨湯底,香濃得來卻不會混沌,味道清新。拉麵比較幼身,但仍然非常爽口彈牙,亦很有質感。叉燒有兩塊,肉質軟硬適中,而且偏瘦,不會太肥。溫泉蛋做到流心效果,但味道略嫌偏淡。配菜有木耳絲,切得幼身而且爽口。蝦味噌豚骨拉麵除了基本的豚骨拉麵,就是期間限定的蝦味噌豚骨拉麵。配料跟豚骨拉麵大致相同,分別是配料由木耳絲改為粟米粒,粟米粒飽滿清甜。最大分別當然是湯底味道,除了有豚骨味道外,還有很香的蝦味。清新新鮮的蝦味,加上小櫻花蝦子,令整體味道更加豐富。 繼續閱讀
(以上食評乃用戶個人意見 , 並不代表OpenRice之觀點。)
櫻花蝦拉麵 焦點食評
等級4 2017-01-22
206 瀏覽
講左成年,終於去試博多拉麵別天神啦! 拉麵湯底是超濃白湯,是由豚骨及水用試壓力煲長時間熬製而成,絕對不含味精或奶類製品。 餐廳上亦有調味架如蒜蓉、芝麻、辣芽菜、七味粉、拉麵汁等,亦有教授如何配搭最為美味,有需要可參考一下。 蝦味噌套餐($115) 包了一碗蝦味噌豚骨湯麵、餃子(四隻)或小龍蝦沙律 我們一人點了一份,所以兩款小食都可以吃到。 餃子(四隻) 餃子皮薄,內饀新鮮,食落比教香口,配埋餃子汁一流! 小龍蝦沙律 小龍蝦沙律味道夠鮮,入面真係有粒粒龍蝦,伴上幾塊紫菜,入口味道更好! 期間限定的蝦味噌豚骨湯麵套餐入面包左溏心蛋一隻,溏心蛋入口嫩滑,富豐富蛋香味。 麵條預先同店員講左要硬麵,方便影相。 麵條幼細,充滿麵粉香,麵條掛湯力高,湯底味道濃厚,顏色超濃白,加入櫻花蝦令味的更香,還有豚肉、粟米、惹花等,味道加倍提升。   繼續閱讀
(以上食評乃用戶個人意見 , 並不代表OpenRice之觀點。)