影片
更多
2022-12-30
88 瀏覽
就嚟完sem就梗係要諗下同女朋友食咩慶祝啦。諗落好似未食落omakase，就一於試下。咁我地就嗌咗全25品，仲嗌咗枝生酒，呢枝酒由日本直運，運送嘅過程要一路雪住，而且用嘅咪係山田錦米，屬於純米，飲落去有啲果香，而且容易入口，但都有14.5%酒精㗎。第一道菜就有水雲，佢其實係松葉蟹肉配上海藻撈埋一齊食，啲海藻汁酸酸甜甜咁幾開胃，而且對腸胃都好好。第二道菜就有白子，食落去好Creamy，而且配上柚子酸汁同海藻，上面仲有啲蘿蔔蓉同蔥，成度菜都幾開胃。第三道餸就有鮟鱇魚肝，師傅將佢蒸熟左，再加上海藻同蘿蔔蓉。第四道餸就有左口魚刺身，唔阻Wasabi dressing，加上少少芝麻同菊花，食嗰陣時要卷上啲蔥一齊食。第五道菜係一個酒餚，就係北海道海膽豆腐配上魚子醬，好鮮甜，食落10分開胃，送走一流。第六道就有長崎黑琵琶蝦，師傅就用咗秘製海膽醬搽上蝦肉，再用炭燒，肉質彈牙。第七道就有沙插，係一種帶子，師傅就用咗啲豉油同七味粉，再用炭燒，最後包上紫菜，整好之後要盡快食，因為紫菜好快淋。第八道就有九州沖繩車海老壽司，師傅將火槍燒至一成熟，製成壽司，再搽上少少豉油，同撒上柚子皮。柚子皮嘅酸味都令到車海老嘅
就嚟完sem就梗係要諗下同女朋友食咩慶祝啦。諗落好似未食落omakase，就一於試下。
咁我地就嗌咗全25品，仲嗌咗枝生酒，呢枝酒由日本直運，運送嘅過程要一路雪住，而且用嘅咪係山田錦米，屬於純米，飲落去有啲果香，而且容易入口，但都有14.5%酒精㗎。
第一道菜就有水雲，佢其實係松葉蟹肉配上海藻撈埋一齊食，啲海藻汁酸酸甜甜咁幾開胃，而且對腸胃都好好。
第二道菜就有白子，食落去好Creamy，而且配上柚子酸汁同海藻，上面仲有啲蘿蔔蓉同蔥，成度菜都幾開胃。
第三道餸就有鮟鱇魚肝，師傅將佢蒸熟左，再加上海藻同蘿蔔蓉。
第四道餸就有左口魚刺身，唔阻Wasabi dressing，加上少少芝麻同菊花，食嗰陣時要卷上啲蔥一齊食。
第五道菜係一個酒餚，就係北海道海膽豆腐配上魚子醬，好鮮甜，食落10分開胃，送走一流。
第六道就有長崎黑琵琶蝦，師傅就用咗秘製海膽醬搽上蝦肉，再用炭燒，肉質彈牙。
第七道就有沙插，係一種帶子，師傅就用咗啲豉油同七味粉，再用炭燒，最後包上紫菜，整好之後要盡快食，因為紫菜好快淋。
第八道就有九州沖繩車海老壽司，師傅將火槍燒至一成熟，製成壽司，再搽上少少豉油，同撒上柚子皮。柚子皮嘅酸味都令到車海老嘅鮮味特別出眾。
第九道就有沖繩赤貝，因為係生食，而師傅食之前會即刻撻落砧板，令佢肉質嫩滑啲，所以一到手就要盡快食。
第十道就有秋刀魚，因為佢係秋天角，所以秋田食嘅時候特別肥美，只要簡單配上蔥同姜蓉，就已經鮮甜。
第十一道就有京都腐皮，係由豉油醃制，配上三文魚籽喺面，撈埋一齊，好似食緊麵咁。
第十二道就有北寄貝刺身，加上的清甘汁，因為北寄貝本身，唔需要太多調味都食到佢好鮮甜。
第十三道餸就有北海道牡丹蝦，師傅將蝦肉拆咗出嚟，再將蝦頭嘅蝦膏配上Wasabi，同成個蝦肉一齊食，自然咁配搭出鮮味。
第十四道就有生蠔，呢隻生蠔俾人叫做令和怪物，佢係來自岩守縣，肉質爽身。配上乾蒸jelly、蔥同醋，超大舊，啖啖肉。
第十五道就係有筋膜嘅三文魚籽，呢一種三文魚籽好食季節，要長期經過長期，配上柚子皮，食落好Creamy。
第十六道就係白扇貝壽司，肉質都好彈牙，面且好新鮮鮮甜。
第十七道菜就有嘉之次刺身，配上岩鹽同青檸汁，師傅用火槍輕輕燒過，令到魚油美好突出。
第十八道菜就有赤身醬油漬捲馬糞海膽，上面有蘿蔔苗，有少少辣，再加上日本金箔，令到成個海膽嘅甜味更加突出同滑身。
第十九就有紫海膽，超大嚿，而且比馬糞海膽清甜，簡單配上青瓜，就可以突出只海膽嘅鮮甜。
第二十就有南非鮑魚，師傅就煮咗五個鐘，而個汁係麵鼓蟹膏，呢個餸用嚟送酒係一流。
第二十一就有拖羅壽司，加上少少蒜片，本身就好多筋，而師傅就慢慢燒溶啲筋，做到入口即溶。
第二十二就有日本野菜湯，有山菇山葉等，清清甜甜，解膩一流。
第二十三就係松葉蟹，用咗蟹膏蟹醋jelly，再加上少少食用菊花。
第二十四就有紫蘇葉天婦羅配白海膽，白海膽係日本最高級嘅，用咗白雪鹽去帶出海膽嘅鮮甜。
第二十五就有玉子布甸，上面係半生熟，用蛋同酒蒸，十分有趣嘅甜品。
最尾師傅仲送咗北海道哈密瓜比我地食，日本直運都特別甜啲
張貼
