影片
更多
2022-09-07
514 瀏覽
.今晚同朋友又去左食一鍋堂，瓊華中心分店d座位幾寬敞舒服喎！今次揀左食C餐，同埋試左新推出既艇家一品魚湯鍋：鍋內有海蝦、鯇魚肉、蜆、咸菜等配料，魚湯好濃郁鮮甜，未打邊爐前先飲左碗！.除左用QR code order 火鍋配料，自助區域有小食任拎.我就拎左麻辣腎片、四季豆、無骨鳳爪、麻辣鴨血，特別係麻辣鴨血，好入味好有台灣風味！.唔只小食，黃金炸魚皮超正！又脆又有咸蛋黃咸香！.仲有丸類拎，芫茜燒賣、三星貢丸都係高質特別既丸類.然後我地order左幾款牛肉：美國安格斯牛肉、手切牛頸脊、封門柳、澳洲M5和牛板肉、精選進口牛板腱.個人鍾意美國安格斯牛肉、手切牛頸脊，前者油脂分布平均，後者牛肉味濃，如果鍾意有咬口既肉類，可以order牛板肉、封門柳.海鮮類如新鮮海蝦、蜆好新鮮，用魚湯湯底淥熟好夾.手打蝦丸、墨魚丸都唔係渣流灘，質素好.自家涼茶：金羅漢海底椰茶、洛神花茶、玫瑰花黑枸杞茶呢三款都飲晒，如果無糖更佳！.最後食埋軟雪糕甜品，又係滿足既一餐！
今晚同朋友又去左食一鍋堂，瓊華中心分店d座位幾寬敞舒服喎！今次揀左食C餐，同埋試左新推出既艇家一品魚湯鍋：鍋內有海蝦、鯇魚肉、蜆、咸菜等配料，魚湯好濃郁鮮甜，未打邊爐前先飲左碗！
.
除左用QR code order 火鍋配料，自助區域有
小食任拎
.
我就拎左麻辣腎片、四季豆、無骨鳳爪、麻辣鴨血，特別係麻辣鴨血，好入味好有台灣風味！
.
唔只小食，黃金炸魚皮超正！又脆又有咸蛋黃咸香！
.
仲有丸類拎，芫茜燒賣、三星貢丸都係高質特別既丸類
.
然後我地order左幾款牛肉：美國安格斯牛肉、手切牛頸脊、封門柳、澳洲M5和牛板肉、精選進口牛板腱
.
個人鍾意美國安格斯牛肉、手切牛頸脊，前者油脂分布平均，後者牛肉味濃，如果鍾意有咬口既肉類，可以order牛板肉、封門柳
.
海鮮類如新鮮海蝦、蜆好新鮮，用魚湯湯底淥熟好夾
.
手打蝦丸、墨魚丸都唔係渣流灘，質素好
.
自家涼茶：金羅漢海底椰茶、洛神花茶、玫瑰花黑枸杞茶
呢三款都飲晒，如果無糖更佳！
.
最後食埋軟雪糕甜品，又係滿足既一餐！
張貼
