影片
更多
2021-03-01
92 瀏覽
晚市終於返嚟喇，期望咗好耐去呢間新開嘅日本居酒屋晚飯。估唔到啱啱開返晚市，仲係星期六晚，真係有唔少客人，所以記得訂咗位先嚟。餐廳好有日本氣氛，仲有幾個特式座位，係要除鞋入去座，真係好有趣。嚟得居酒屋，一定都飲下酒喇！依加餐廳做緊Suntory 生啤買一送一（$68），真係好掋呀。芥辣八爪魚（$48）- 先來個前菜。八爪魚切食細粒容易咀嚼，口感好爽口。而芥辣又唔會好辣同攻鼻，仲越食越開胃添。深海池魚薄切刺身（$168） - 份量十足，估唔到有一盤咁多。深海池魚既爽口又新鮮，配上特制嘅酸汁，再撈埋wasabi同蘿蔔蓉，味道非常新鮮。吞拿魚刺身拼盤（$238）- 一睇賣上就知係靚吞拿魚，有齊赤身、中拖同大拖。三種都鮮甜無比，其中大拖羅更加有入口即溶嘅感覺，令我諗返起喺日本水產市場食嘅吞拿魚一樣咁新鮮。而我個人就最鍾意食中拖羅，覺得魚肉同脂肪嘅比例啱啱好。串燒：雞軟骨（$18）雞皮（$25）雞腎（$25）雞心（$25）- 本身係雞軟骨控嘅我覺得呢串真係燒得好脆口，滴啲檸檬汁真係絕配。我就唔太好內臟，但覺得個雞腎都幾好味，咬落去好有口感。照燒無骨雞扒（$68）- 份量又係好足夠。無骨雞扒啖啖肉，
嚟得居酒屋，一定都飲下酒喇！依加餐廳做緊Suntory 生啤買一送一（$68），真係好掋呀。
芥辣八爪魚（$48）- 先來個前菜。八爪魚切食細粒容易咀嚼，口感好爽口。而芥辣又唔會好辣同攻鼻，仲越食越開胃添。
深海池魚薄切刺身（$168） - 份量十足，估唔到有一盤咁多。深海池魚既爽口又新鮮，配上特制嘅酸汁，再撈埋wasabi同蘿蔔蓉，味道非常新鮮。
吞拿魚刺身拼盤（$238）- 一睇賣上就知係靚吞拿魚，有齊赤身、中拖同大拖。三種都鮮甜無比，其中大拖羅更加有入口即溶嘅感覺，令我諗返起喺日本水產市場食嘅吞拿魚一樣咁新鮮。而我個人就最鍾意食中拖羅，覺得魚肉同脂肪嘅比例啱啱好。
串燒：雞軟骨（$18）雞皮（$25）雞腎（$25）雞心（$25）- 本身係雞軟骨控嘅我覺得呢串真係燒得好脆口，滴啲檸檬汁真係絕配。我就唔太好內臟，但覺得個雞腎都幾好味，咬落去好有口感。
照燒無骨雞扒（$68）- 份量又係好足夠。無骨雞扒啖啖肉，食落去好滿足。加上肉質嫩滑同juicu，但如果個雞皮燒得再脆身啲會更好食。
黑醬油叉燒拉麵（$98）- 雖然呢間唔係拉麵店，但佢嘅拉麵都畀我期望咁高。因為個麵條好彈牙，直頭拍得住出面嘅拉麵舖。另外個湯底香得嚟又唔係好鹹，我都唔住爭啲飲曬。
鰻魚壽司（$38）- 最後驚男朋友唔夠飽，所以特登嗌咗兩件壽司。呢個鰻魚壽司大大舊，仲好肥美。
整體有驚喜，性價比高，一定會再返嚟。
張貼
