影片
更多
2023-09-22
22 瀏覽
上次一個月紀念去咗銅鑼灣食鐵板燒，食完之後感覺唔係好抵。今次輪到我帶男朋友去食，聽講呢間性價比好高，搵餐廳嘅時候仲覺得佢好隱蔽添，完全估唔到係呢啲地方會有一間鐵板燒喺度。入到嚟除咗嘢食嘅性價比之外，其實服務都好值得一讚。佢呢度會有幾款唔同價錢嘅set，我同男朋友分別叫咗$588同埋$788。兩個set嘅分別在於個鵝肝多士，前菜同埋湯。佢今晚個前菜係蘭王溫泉蛋配黑魚子。蘭王蛋真係超級好食，就咁簡簡單單已經好正。沙律就兩個餐都會有，今晚嘅係煙三文魚沙律，新鮮嘅沙律菜點黑醋，再加埋少少黑魚子做點綴，都係一個幾好嘅開始。兩個餐都會包兩款海鮮，有五款俾你揀，我哋兩個嗌咗四款唔同嘅，男朋友揀左帶子配金目鯛。佢個帶子係刺身級別嘅帶子嚟嘅，所以只係輕輕燒香佢個面，配埋呢度嘅特色，自家製海鹽泡泡，可以特顯到海鮮嘅鮮甜味。而佢個金目鯛都好鮮甜，唯一有少少失望嘅係師傅唔將魚皮燒到脆卜卜，但係呢款魚點一點佢嘅黑醋都幾好食。我自己就揀咗白鱔配鮑魚，同樣地個白鱔都好新鮮，但係都係冇將魚皮燒脆，但係呢一個魚師傅就揀咗七味粉同埋竹炭鹽做調味。而鮑魚就用咗蒜蓉。我想講嘅係佢比起其他嘅地方抵食在於佢每一款海鮮都係兩舊，令
佢呢度會有幾款唔同價錢嘅set，我同男朋友分別叫咗$588同埋$788。兩個set嘅分別在於個鵝肝多士，前菜同埋湯。佢今晚個前菜係蘭王溫泉蛋配黑魚子。蘭王蛋真係超級好食，就咁簡簡單單已經好正。
沙律就兩個餐都會有，今晚嘅係煙三文魚沙律，新鮮嘅沙律菜點黑醋，再加埋少少黑魚子做點綴，都係一個幾好嘅開始。
兩個餐都會包兩款海鮮，有五款俾你揀，我哋兩個嗌咗四款唔同嘅，男朋友揀左帶子配金目鯛。佢個帶子係刺身級別嘅帶子嚟嘅，所以只係輕輕燒香佢個面，配埋呢度嘅特色，自家製海鹽泡泡，可以特顯到海鮮嘅鮮甜味。而佢個金目鯛都好鮮甜，唯一有少少失望嘅係師傅唔將魚皮燒到脆卜卜，但係呢款魚點一點佢嘅黑醋都幾好食。
我自己就揀咗白鱔配鮑魚，同樣地個白鱔都好新鮮，但係都係冇將魚皮燒脆，但係呢一個魚師傅就揀咗七味粉同埋竹炭鹽做調味。而鮑魚就用咗蒜蓉。我想講嘅係佢比起其他嘅地方抵食在於佢每一款海鮮都係兩舊，令你可以開心share。
煮食方面，我自己揀咗韓牛。師傅介紹嘅時候話佢哋拎啲牛返嚟只係會要中間嘅芯，外圍嘅筋同埋脂肪都唔會用，所以我哋食到嘅部位會係最林最重牛味。
男朋友就揀咗個雞扒，唔好以為雞扒呢啲好似好簡單。要煎得好食都好考功夫㗎。首先又要濺到雞皮金黃，又要保持雞肉肉質鮮嫩多汁，配埋佢哋自家製嘅超香牛油醬，成件事都好夾。
而我嗰餐就多咗個令人嘩一聲嘅鵝肝多士，因為佢夠鵝肝真係超級厚。出邊食到嘅鵝肝多士都係好薄好細舊，但係呢度絕對唔孤寒，大嚿道理係有啲質疑自己個口夠唔夠大。鵝肝同埋多士中間仲有師傅自家製嘅鳳梨柚子醬，酸酸甜甜涼浸浸咁，完全有埋冰火嘅口感，咁樣食可以解膩之餘，仲好有新鮮感添。
男朋友唔揀我呢個餐，唔想要鵝肝嘅原因係因為佢要留返個胃嚟食佢最鍾意嘅生蠔。皆因而家做緊優惠$5一隻法國蠔。唔好以為$5一隻佢就俾啲雞嘢你。
隻隻都超飽滿，好滿足。佢呢款法國蠔嘅口感比較爽身，配埋檸檬汁一流。
然後就係海鮮炒飯，海鮮炒飯上面都有少少分別嘅，我嗰set係多咗海膽，而佢嗰一啖海膽都唔少嘢㗎，佢個飯除咗普通見到嘅薑粒蔥花之外，其實仲加咗黑松露，真係完全唔孤寒。
甜品就係日本嘅豆腐雪糕同埋紫薯雪糕，兩款雪糕都係我鍾意食嘅煙煙韌韌口感。面頭嘅係紅豆沙爆爆珠，一咬開裏面其實係紅豆沙嚟㗎，呢個甜品都幾特別。
除咗頭先講嘅生蠔優惠之外，而家仲做緊個麒麟啤買一送一優惠，所以呢一餐飯嘅性價比真係超級高，絕對冇得彈。佢仲有另外一個更加誇張嘅優惠，$788以上嘅套餐只需要加$98就有一隻8吋斑馬瀨尿蝦，不過呢一個優惠要提早訂位嘅時候預訂，所以今次我哋就冇機會啦。
張貼
