影片
更多
2015-06-16
1961 瀏覽
話說早前試過附近的日式燒肉放題，班江湖兄弟嫌坐得唔舒服。所以揀左上次係附近食過嘅呢間宮崎食。不過因為我地成班友都係遲收工嗰jar，因此我地今次食9點半嗰場…..同宵夜無乜分別啊。不過地方都算好大好闊落。作為飲品之王嘅我，最關注梗係呢度啲酒水夠唔夠啦~ 係呢個櫃入面任拎，啤酒、汽水嘅存貨量好充足，選擇都算合理。好勒，嚟到張枱勒，我地4條友，餐廳已經準備左個咁靚嘅陣俾我地，呢個陣叫「八色燒肉」，分別係黑蒜味、芭蕉味、胡麻味、紅酒味、千島味、辛茄味、香葱味同山葵味。我自己就鍾意黑蒜味同胡麻味，貪佢味道較出，而且黑蒜味的味道在口中餘韻甚長，胡麻味的麻香亦夠搶。除左肉之外，唔少得嘅係海鮮，雖然係放題，但係份量唔欺場，都有返咁上下大，而且牛油半殼帆立貝同清酒白蜆都係唔可以錯過嘅項目。牛油半殼帆立貝將整片牛油放係帆立貝上面，熟左之後油香四溢，唔會店方話落左牛油都食唔到味道。而清酒白蜆嘅清酒味不算太濃，酒氣遇熱的散左一半味道，不過白蜆無沙，清甜可口，算係唔錯了。當然唔少得本人十分喜歡嘅刺身啦~有三文魚、北寄貝、甜蝦同希靈魚。本人就鍾情三文魚，因為佢都幾肥美，唔係薄有返咁上下口感。另外，我仲叫左個蟹子沙
作為飲品之王嘅我，最關注梗係呢度啲酒水夠唔夠啦~ 係呢個櫃入面任拎，啤酒、汽水嘅存貨量好充足，選擇都算合理。
好勒，嚟到張枱勒，我地4條友，餐廳已經準備左個咁靚嘅陣俾我地，呢個陣叫「八色燒肉」，分別係黑蒜味、芭蕉味、胡麻味、紅酒味、千島味、辛茄味、香葱味同山葵味。我自己就鍾意黑蒜味同胡麻味，貪佢味道較出，而且黑蒜味的味道在口中餘韻甚長，胡麻味的麻香亦夠搶。
除左肉之外，唔少得嘅係海鮮，雖然係放題，但係份量唔欺場，都有返咁上下大，而且牛油半殼帆立貝同清酒白蜆都係唔可以錯過嘅項目。牛油半殼帆立貝將整片牛油放係帆立貝上面，熟左之後油香四溢，唔會店方話落左牛油都食唔到味道。而清酒白蜆嘅清酒味不算太濃，酒氣遇熱的散左一半味道，不過白蜆無沙，清甜可口，算係唔錯了。
當然唔少得本人十分喜歡嘅刺身啦~有三文魚、北寄貝、甜蝦同希靈魚。本人就鍾情三文魚，因為佢都幾肥美，唔係薄有返咁上下口感。
另外，我仲叫左個蟹子沙律，賣相就比較求其….. 好似蟹柳、青瓜絲同蟹子都係分開，要靠我先可以係埋一齊咁。份量一個人就少左啲，不過放題嘛，食少少當試味囉。
呢度就無牛嘅…. 得豬頸肉同豚肉，我就叫左燒汁薄豚同黑油薄豚，都切得幾似牛肉，有名你叫，由於薄豚嘅關係，所以整塊肉都滲透左燒汁同黑油，味道不錯，算係食豬有豬味，而且每咬一口都有燒汁嘅香，同埋黑油嘅甜。
不得不提嘅係呢度兩個人就送大蝦，真係手掌咁大隻，而且個蝦殼都幾硬身，熟左之後好容易剝，蝦頭有紅色嘅膏肉，唔錯，非常香口。
簡單嚟講，我覺得呢度都幾滿足到我地班仔嘅口味，而且價錢又唔係話太貴，又刺身又有海鮮，都好合理。張貼
