鮪世市場 (已結業)

將軍澳新開食街😬又係掃街時候啦-將軍澳嘅厚德商場翻新左，開左條新食街Food Lane🤗雖然唔係好鍾意領展咁樣翻新將租金又翻幾翻😒但我十年都唔去一次將軍澳😓就點都去試下啦🤤-首先講嘅係日本餐廳🇯🇵間餐廳只係得八個位，暫時只係得壽司同刺身供應😽叫左幾款壽司都幾滿意【火炙左口魚裙邊】$13 都幾香下，但係可以再燒耐啲啲，令油份更突出先做到入口即溶👌🏻【極上吞拿魚鮫】$48 係魚鰭旁嘅嫩肉，雪花分佈得好靚❄️又重油脂香，入口即溶超正🐟【蟹膏】$20 都幾香啊，但相對質素平平🦀【特上三文魚籽】$20 脹卜卜又晶凝通透嘅三文魚籽見到都流口水🤤都幾鮮甜【特上海膽】$48 用嘅係加拿大皇冠海膽，勝在大塊啦👀好在冇腥同苦澀，但甜度不足-價錢同質素位於連鎖店同壽司店中間👀壽司價錢由＄8-$48 不等，亦有不同質素選擇，豐儉由人👍🏻勝在可以食少少又食下其他嘢食，過到口癮之餘又唔洗用好多錢=========================鮪世市場地址：坑口KTO Gateway地下Food Lane美食街內=========================想睇翻同類型🍴👇🏼#Snappy日式#Snappy做到