河內越式料理 (西洋菜南街)

營業中

休息中

越南餐廳都可以價錢親民又好食！喺旺角行完街同朋友行經好多餐廳選擇嘅西洋菜南街，心思思想食越南嘢嘅豬太郎見Menu都幾吸引就決定係佢啦！.➜順化蕃茄蟹肉扎肉湯檬特濃嘅蕃茄湯底，仲有絲絲嘅蟹肉topping，一啖檬粉一啖湯，絕對係大滿足呀！仲要咁大碗，性價比高！.➜生熟牛肉湯河粉生牛肉大大片，肉質嫩滑唔鞋，熟牛肉軟冧味濃，湯底清香，配埋酸甜清新嘅青檸汁，更加開胃！.➜越式豬頸肉雖然係追加小食，但份量都唔小㗎，豬頸肉好香，唔會燒得太硬，香口惹味！.➜椰汁珍多冰&鮮芒果西米露大大杯特飲都係加 $10 ！味道唔太甜，啱啱好！.📍河內越式料理 (西洋菜南街)旺角西洋菜南街204號地舖