大和豚総本店 (已結業)

Happy Friday一行10人去食lunch，週圍都好難搵位，見大和豚唔洗點等位就過黎食，食完就知點解冇人等位。其實好耐之前食過晚市已經覺得質素一般，但當時唔係食招牌菜所以打算俾多一次機會佢，特登叫返個吉列定食試一試。吉列豬柳配稻庭烏冬 $108 (加一後$119)前菜係細沙津，個汁略嫌過酸。主角嘅吉列豬柳份量超少，得2小塊，個size同散紙包差不多，重點係肉質唔腍滑，完全唔係豬柳應有嘅口感；伴碟嘅車厘茄冇洗過，上面有泥 ☹幸好個烏冬味道口感都正常，份量夠大，可能間餐廳都驚你唔夠飽所以臨尾上大大碗烏冬#曲。