大和豚総本店 (已結業)

在旺角食日本菜有很多選擇，但如果跟朋友或情人約會我會推介這一家。這家日式料理除了有最基本的Sushi及定食，亦提供豚肉鍋，店內裝潢美觀，可選擇坐屏風內向著Sushi桌，亦可選擇靠窗的方型大台，邊吃飯邊享受旺角大街的景色今次選擇叫豚肉鍋，因為上桌感覺豐滿，作為主食觀感不錯，此店名叫大和豚，可見豚肉必點，上菜蒸氣四溢，風味十足，與對像共餐更可多點一份紅酒冰蘋果汁，加添醉意，但豚肉只在表面一層，下層全是素菜，建議食量大要多點其他小食。由於幾位都係男士，多叫了幾Sushi、份定食（午市定食價錢比較親民）及小食，無論在賣相及味道方面，絕不遜色，此店應屬男女培養感情的好店。…查看更多

吉列控出沒😈 吉列豬扒拉麵Rating: 8/10HK$ 92吉列豬扒外層的炸粉好薄🐖豬扒炸得都幾鬆軟， 可點日式醬或檸檬汁(個人較鐘意檸檬汁,非常開胃) 拉麵湯底有好濃郁嘅豬骨味，加上炒過的蒜頭同芝麻😋超級香🍲比較似在日本吃到好多油的拉麵🤤…查看更多

呢間之前已經食過拉麵，覺得幾好食，所以黎試下火鍋。雖然佢係日本餐廳，但都有泡菜火鍋。.一個火鍋兩個人食，再加左一份拉麵同一份烏冬，岩岩好。佢有好多菜同金菇， 牛肉都好多，初初以為得兩塊一定要追加，後尾都唔洗，佢既肉都係大塊既，唔會煲煲下唔見左。而且佢有d原隻上既薯仔，唔夠飽食埋佢就飽曬，而且一值煲到最後，入曬味。最後放埋烏冬同拉麵，原來拉麵咁樣食都唔錯。.有時兩個人係旺角食飯唔想同人迫，呢到係唔錯既選擇。…查看更多

同朋友喺朗豪坊行完街，經過雅蘭求求其就揀咗呢間日本野😆😆。係閑日嘅夜晚，人唔算好多，入邊環境都唔錯。佢本身有set又有得散嗌，但其實價錢都偏貴😨😨普遍一個set起碼都100至$150，額外加嘢飲仲要成30幾蚊杯。😱😱最後我哋都決定散嗌左拉麵同埋一個刺身飯，嘢食來講算係幾唔錯都算有水準，刺身新鮮拉麵就過得去普普通通咁。個軟殼蟹都唔錯值得一試。👍🏻👍🏻👍🏻總體來講坐得算舒服又唔會催促你走，嘢食就普普通通過得去啦，都值得推介。…查看更多

放假無所事事，自己就周圍去食下好野，朋友之前食過就推介我食。今日就去品嚐一下。午巿定食套餐都幾多選擇。我點了9號餐-雜錦魚生飯便當定食。套餐賣相唔錯😍😍😍薯仔沙律，味道可以有4款不同的刺身，每款都好肥美。好味道。👍🏻👍🏻👍🏻👍🏻吉烈豬扒-熱騰騰、脆卜卜豬扒好厚身，而且肉質相當腍，不錯。忘了影麵豉湯，入面有蜆肉，豆腐同海帶，味道可以。西瓜🍉都好甜。整體來說：不錯，值得再次去食。…查看更多

係雅蘭中心睇完醫生就落咗黎搵野食，呢間大和豚総本店想試好耐嫁啦，想試唔係因為覺得佢好食，係唔知點解次次去到都一定有位，好少要排隊入去食。但都仲屹立不倒咁耐！吉列豬扒配烏冬本身無乜大期待既，黎到試佢個吉列豬扒又唔錯既，脆得黎咬落去唔乾身咁 烏冬算正常啦！價錢個度就有d貴，一個咁樣既lunch都要百三左右，呢個價錢真係唔需要黎呢度食囉！份量味道服務又唔係話好好，咁樣總結黎講呢！無下次嫁啦應該 可一不可再！…查看更多

兩個人平日12點左右入座，店內有兩三枱客人。 直至中午1點，入座了八成客人。 午餐介乎$80至$150分別有湯拉面，熱/冷烏冬，吉列類，刺身飯，壽司等，另有火煱選擇。 每個午餐包一杯飲品，汽水或檸茶檸水。 我們點了一個拉面和一個火煱。 份量足夠，足夠一個正常男人食量，女士就會偏多了。豬軟骨拉面🍜配上沙律🥗濃郁的豬骨湯底忍唔住飲左幾啖豬軟骨有三大件軟骨滑滑的，不會是脆骨整體好食。骨膠原牛肉火煱配上白飯牛肉偏瘦，上枱時顏色較暗色火煱有一隻蝦，帶子幾粒，年糕，其他也是菇菜這是骨膠原啫喱湯底滾後可以放入火煱份量足夠，有十片牛菇菜亦很多飲品類亦吸引…查看更多

在旺角雅蘭中心有一間吃日式炸豬排的餐廳，夏日炎炎，看到有冷烏冬，便決定一試。📍吉列豬扒配稻庭烏冬(冷）$105冷烏冬彈牙，沾上冷湯汁，解暑一流。吉列豬扒肉較薄身，肉質較乾，汁少，味道沒有太大驚喜。在日本吃到的炸豬扒一向大塊，但這裡吃的都是的骰的份量。📍吉列豬柳配稻庭烏冬(冷）$108豬柳的份量也是袖珍版，肉質同樣偏乾及硬。吉列豬柳肉較厚身，肉質結實，炸漿較厚身，汁少，有點失望。以吃炸豬排打響名堂的店，炸豬排味道卻強差人意，有待改善。…查看更多

今日夜晚本身諗住食樂天皇朝但係見到呢間野唔駛排隊賣相都幾吸引就決定入去試下晚市有9個餐我就叫左6號餐 – 吉列芝士豬扒配三文魚刺身及串燒雞翼而我個朋友就叫左8號餐 – 吉列大蝦拼吉列豬柳配三文魚刺身及串燒雞翼豬扒比其他專食吉列豬扒既日本店細同薄啲但係當然價錢唔同 無得比較不過質素方面唔差 性價比黎講都真係ok三文魚刺身不過不失不過如果有其他刺身揀下就好啦串燒雞翼係好味既呢種感覺我都幾鐘意一個餐有好多唔同種類既野食 每樣都細細件但係係好飽的所以都幾推薦下一次我一定會叫少飯!!!…查看更多

今日試咗呢一間嘅鍋物，呢一間除咗火鍋之外，炸物都係主打之一！ 環境方面，都可以，不太擠迫！我地點左骨膠原美人鍋，一陣已上菜了，豚肉包埋金菇放喺鍋邊幾得意！另外配菜仲有豆腐！個鍋其實幾淺，兩個人食一個鍋都飽！…查看更多

食物質素高, 魚生新鮮, 冷烏冬醒胃, 鰻魚大條兼肥美, 炸豬扒及炸蝦鬆脆。 一枱子食物得快新被吃乾乾。 座位非常闊落, 不會令人有侷促的感覺, 其間待應也經常細心為我們添水, 絕對係良朋聚會嘅好地方。…查看更多

三重芝士 四重奏朱古力 你就食得多三重奏「蟹」拉麵 你食過未?一大啖蟹膏 唔好睇小佢 撈落個龍蝦湯到個蟹膏味已經好出一大堆蟹肉 (雖然呢幅相俾條匙羹遮住咗) 啖啖拉麵都可以食到蟹肉一大舊軟殼蟹 浸埋啲湯一齊食🤤 舔舔脷仲有食拉麵唔少得嘅糖心蛋🥚添估唔到有呢個配搭嘅拉麵 都真係幾正!! ————————————————————————————#ramen #ramennoodles #crab #crabs #crabmeat #softshellcrab #browncrab #crabbutter #egg #softboiledegg #香港好去處 #食左先講 #相機食先 #吃貨 #japanesefood #hkfoodie #foodie #旺角…查看更多

和朋友相約在旺角，行行逛逛，準備吃個午餐，隨意地在雅蘭找到大和豚，只能說性價比真的是一般般。食了叉燒拉麵，也太咸了吧，不過個人口味，所以無可厚非的。朋友點了壽司烏冬定食，壽司是明顯的早就整定，不是即做的。所有都是一般般，唯一可取是不用等位，可能我們太晏了又可能是因為太一般所以人不多。環境一般，食物一般，服務一般，就是一般。…查看更多

第1次約朋友去這間大和豚,揀的原因是經openrice網上訂座快捷, 而且埋單有8折優惠朋友都幾滿意今餐,因為唔單止係食, 係難得旺角有一間岩girls talk的地方! 沒有嘈吵音樂墊底,亦沒有大媽式聲量2個人嗌左以下飲食物,埋單連8折盛惠$4602碗拉麵1份$188炸豚setD,1份炒雜菜1杯紅粉佳人優點:1.環境唔算太窄,而且靜,傾計環境好。2.炸物美觀配菜充足3.樓面反應快,勤力並常主動斟水4.上菜速度快,拉麵5分鐘內黎齊,炒菜,炸豬排等1陣都都接著到。希望改善1.拉麵不是太"熱辣辣" 影響咪道2.燈光比較暗,光猛點精神點3.飲品以凍飲為主,熱飲選擇較少…查看更多

一行8人去試一試，入坐後聞到很香味道，四看都是食炸物定食。立即order盛大併盤，當中有炸蠔、薯蓉、豬柳、蝦。一試炸豬柳，跟本唔知食緊咩嘢，只感到炸粉同有點肉，可能我點咗沙律汁，蓋晒味道，又或豬柳無特別調味，所以食唔出味道。再試薯蓉餅，同樣唔知食乜蟹籽沙律分量很多，青瓜絲都好清新豬手上枱十分韓feel，生菜新鮮乾淨，豬手點上付上嘅醬汁十分好味，另外仲有炸蒜片，呢個值得一試三片豚肉拉麵，豚肉有點似水晶扣肉，肥瘦隔住，入口溶化，絕不肥膩，呢個肉真有驚喜半隻糖心滷旦都好好味，無旦腥味，只可惜拉麵同湯我覺得鹹到有少少苦，可能拉麵湯本身已濃味，加上豚肉嘅鹵汁，可能咁就鹹咗，不過我一向都不太喜歡拉麵覺得味鹹，而朋友覺得ok。壽司就真係有點失望，實在太普通，唔需要係到食。呢個泡菜鍋，內有大量芽菜、薯仔、腸仔、豬肉同菜，先試湯底十分鹹，另跟上嘅泡菜同樣含鈉重，明顯係重鹽醃制快速上味過種因爲都飽飽地，加上覺得只有鹽味，所以無乜點食，我個人食到少辣嘅完全唔覺得呢個鍋辣，而泡菜都算辣，不過唔食辣嘅人會覺得呢個鍋好辣。整體黎講，不試不可惜，一試也無防，當中有好食有唔好食。但這價錢這質素有點貴😅…查看更多