吾家 (已結業)

呢間小店開左向呢頭都一段時間，今日終於可以試試佢嘅餃子。芹菜鮮肉湯餃 - 個湯底係蕃茄薯仔湯，不過佢嘅蕃茄味完全出唔到嚟，淨係飲到蘿蔔嘅味道，所以真係有啲失望，芹菜餃相對比較正常。煎韭菜鮮肉餃 - 煎得比較偏油，而且完全唔香口，而且完全食唔到韭菜嘅味道。馬來咖哩蟹柳豬肉餃 - 呢個就係炸餃子，3款餃子入面唯一最驚喜嘅餃子，炸得夠脆而且咖哩味完全食得到，重點係食落亦都唔會覺得好油膩。炸花枝丸 - 最正常亦都最普通嘅小食。