影片
更多
2019-11-10
277 瀏覽
見食評有196個笑面，只得1個苦面，滿懷希望來食好嘢。。。。。未食過咁失望的omakase，無下次!剛開業半年，適逢“大時代”，星期六晚都小貓三兩隻，服務員話今晚已經係最好生意了，可能因此而將貨就價。我對$1380 一位的omakase 係有要求的，不是去和民食百零二百蚊食個行貨套餐囉。二人柯打omakase 送紅酒或者白酒，我地揀白酒，支酒太甜了。開始逐樣數：1. 煙燻鵪鶉脾加鵪鶉蛋 - 先黎一隻雀仔裝飾的頭盤，都還可以，味道適中，presentation 尚算有花心思。2. 牛油果他他 - 另一頭盤，係牛油果加wasabi醬蓋箸魚生，個醬太濃，魚生變配角，可能反正兩粒魚生本身就不顯眼。之後有一杯海帶水，聲稱清一清口腔食魚生六點，咁講究，好期待。3. 魚生六點 - • 兩款魚子，但服務員沒有說明什麼魚子，沒什麼味道，欠魚子應有鮮味• 油甘魚一片，可以，新鮮的• 帶子一片，可以，新鮮的• 熟青魚一片，天呀～ 鞋颯颯的青魚，叫魚生？!• 雪藏熟蟹鉗，天呀 x 2~ 有無搞~錯!!連wasabi都慳返唔俾，開咗係豉油裡面嬲到震!4. 牛骨湯 - 即場用蒸餾咖啡機翻熱的牛骨，湯幾好味，淡濃得
剛開業半年，適逢“大時代”，星期六晚都小貓三兩隻，服務員話今晚已經係最好生意了，可能因此而將貨就價。我對$1380 一位的omakase 係有要求的，不是去和民食百零二百蚊食個行貨套餐囉。
二人柯打omakase 送紅酒或者白酒，我地揀白酒，支酒太甜了。
開始逐樣數：
1. 煙燻鵪鶉脾加鵪鶉蛋 - 先黎一隻雀仔裝飾的頭盤，都還可以，味道適中，presentation 尚算有花心思。
2. 牛油果他他 - 另一頭盤，係牛油果加wasabi醬蓋箸魚生，個醬太濃，魚生變配角，可能反正兩粒魚生本身就不顯眼。
之後有一杯海帶水，聲稱清一清口腔食魚生六點，咁講究，好期待。
3. 魚生六點 -
• 兩款魚子，但服務員沒有說明什麼魚子，沒什麼味道，欠魚子應有鮮味
• 油甘魚一片，可以，新鮮的
• 帶子一片，可以，新鮮的
• 熟青魚一片，天呀～ 鞋颯颯的青魚，叫魚生？!
• 雪藏熟蟹鉗，天呀 x 2~ 有無搞~錯!!
連wasabi都慳返唔俾，開咗係豉油裡面
嬲到震!
4. 牛骨湯 - 即場用蒸餾咖啡機翻熱的牛骨，湯幾好味，淡濃得宜，但牛肉稍老，蘿白又無甜味。
5. 報紙包雞 - 用米紙扮報紙色箸雞肉，配日式偏甜的醬油，米紙好脆口感很好，雞肉雖不算老，但就唔夠滑。
6. 涮涮豚肉 - 冬陰功湯底夠古怪，豚肉可以煮到鞋颯颯，真有本事。
7. 然後係清口腔的菠蘿沙冰
8. 壽司五點
• 脆皮鰻魚壽司 - 刻意整片所謂脆魚皮，但結果係一片好厚的硬魚皮。
• 豆紙海膽壽司 - 海膽壽司用一片豆做的紙色住食，海膽味不甚突出。
~註：食到依度，我朋友問我，重有咩黎梗，快快脆脆食完走。。。。。食到無癮成咁!!!
• 香港加油喎之鹹魚白菜 - 燒馬友一片，配豆腐醬，另有舊俾椰菜包住舊的司飯。唉~學人VEA鹹魚白菜的諗頭，卻造得不知所謂!
• 蝦膏魚鱗炸蝦壽司 - 有支牙膏裝蝦膏，造點心思，但主菜炸蝦卻是凍的，蝦膏全無蝦膏味，壽司飯係糯米飯造的，但好似係雪櫃拎出來咁，本來懶有心思但好難食。問服務員點解咁凍，佢話壽司飯係凍架啦。有無搞~錯 x 2!!!
• 鵝肝鍋巴配柚子汁 - 所謂鵝肝只是鵝肝醬，鍋巴硬到咬唔開。
9. 辣味吞拿魚腩卷 - 不過不失的吞拿魚沙律壽司囉，癡啲薄脆係旁邊咁囉！
10. 甜品係焦糖多士配黑芝麻雪糕 - 俾嗰格“糖炕麵包”吹到啤一聲!
食物品種雖多，也嘗試花心思，但又要慳錢，結果不倫不類兼冇乜好食!
張貼
