影片
更多
2012-04-30
107 瀏覽
細細個就好鍾意食炸雞肶。以前街邊車仔檔，快餐小食店，連鎖快餐店好容易就買到。不之可時可日，炸雞肶被定性為不健康食物，連鎖快餐店不再供應，快餐小食店亦買少見少，賣炸物的車仔檔亦好難搵到。今日放假，好想食個快樂lunch，炸雞肶就在我腦海中浮現，即刻落街搵炸雞肶食！老店炸雞肶水準比較穩定，所以揀去百利冰室，西灣河好出名嘅茶餐廳老店，lunch時段好多時候都要攞飛仔排隊，今日早到，唔駛排隊。 一坐底就叫咗。炸雞肶用南乳醃過帶，淡淡的不太濃烈，有效地去除雪雞味。美中不足係雞肶皮炸得略嫌唔夠脆。午市有咁嘅水準已經唔錯。荷苞蛋加特製豉油汁，產生一種好妙嘅化學作用，會令人食多兩口飯，再加上淡淡的南乳味炸雞肶，帶出更多層次感！HK$33，包埋凍飲，重可以點？今日好滿足！炸雞肶萬歲！不健康食物萬歲！！
以前街邊車仔檔，快餐小食店，連鎖快餐店好容易就買到。不之可時可日，炸雞肶被定性為不健康食物，連鎖快餐店不再供應，快餐小食店亦買少見少，賣炸物的車仔檔亦好難搵到。
今日放假，好想食個快樂lunch，炸雞肶就在我腦海中浮現，即刻落街搵炸雞肶食！
老店炸雞肶水準比較穩定，所以揀去百利冰室，西灣河好出名嘅茶餐廳老店，lunch時段好多時候都要攞飛仔排隊，今日早到，唔駛排隊。 一坐底就叫咗。
炸雞肶用南乳醃過帶，淡淡的不太濃烈，有效地去除雪雞味。美中不足係雞肶皮炸得略嫌唔夠脆。午市有咁嘅水準已經唔錯。荷苞蛋加特製豉油汁，產生一種好妙嘅化學作用，會令人食多兩口飯，再加上淡淡的南乳味炸雞肶，帶出更多層次感！
HK$33，包埋凍飲，重可以點？今日好滿足！
炸雞肶萬歲！不健康食物萬歲！！
張貼
