煜焙軒 (已結業)

今日去咗太子附近諗住同朋友一齊打邊爐，再去左敦廟街嗰邊行吓夜繽紛！朋友突然話好想食象拔蚌嘅刺身，因為好耐都冇食過，我突然醒起有一間火鍋店，除咗位置好方便之外，佢亦都有象拔蚌刺身嘅火鍋！除此之外，呢間火鍋店本身亦都有好多湯底可以選擇！而我同朋友當然就係揀$398象拔蚌刺身再加豬骨湯湯底！豬骨湯湯底用咗多個小時熬製！味道除咗鮮香之外，亦都係天然！象拔蚌刺身份量亦都一啲都唔少！除咗好足料有冰鎮底之外、仲有三文魚希靈魚同埋帶子刺身一齊上！真係非常豐富！火鍋材料方面，我哋今次揀蔬菜類多：萵筍、冬瓜、粟米唐生菜等等，可以均勻營養打邊爐！再加上本身豬骨湯底配完蔬菜湯嘅味道更加甜！更加鮮香！火鍋肉裏面，今次我哋選擇咗3種全隻雞套餐，呢個真係好抵食，全隻雞分開兩碟上雞件亦都好大，透過湯底更加滲透濃濃層次味道！另外我哋再選擇咗梅花豬頸肉！有返一定嘅韌度、同埋煮得耐咗都唔會過火！食落去都仲係啱啱好！另外配料配咗生根、豆腐、仲有手打烏冬手打蝦滑，最後當然又唔少得嘅海鮮海魚，同埋海鮮蝦做火鍋配料啦！飲品方面我哋就選擇咗叫一渣渣嘅竹蔗茅根可以潤喉清肺！