炯記手撕雞 (汝州街) (已結業)

咁大個仔第一次食鵝油撈麵, 而且親民價錢. 今日行完鴨寮街之後行過見到有鵝油撈麵, 我朋友話十分有興趣食, 反正價錢又唔算貴入去一試. 平時食燒鵝類嘅嘢都冇得揀胸肉, 呢度加十蚊就有, 勁開心. 家姐姐話呢度個手撕雞都好食所以另外嗌多個鹽焗手撕雞, 仲嗌多咗碟菜. 佢啲碟頭飯都會送來湯, 我同我朋友都叫咗煙燻燒鵝, 佢就加雙拼咗燒腩仔. 啲飯就真係一般冇乜特別, 但係燒鵝煙燻香味突出, 同埋一碗飯都有成七件鵝肉, 好抵食. 鹽焗手撕雞又係好食, 30蚊份量都唔少. 但係嘅生菜就一般. 朋友分咗啲鵝油撈麵畀我, 又真係幾好鵝香味十足, 又夠彈口. 不過提一提大家, 盡量配搭啲清淡啲的主菜, 因為食到最尾真係幾油膩. 好有罪惡感. 另外我杯凍奶茶都好飲, 奶香茶味十足. 兩個人食咁多嘢200蚊有找, 真係幾抵食.