春嬌越南河

營業中

休息中

肉類方面，老公一向喜歡食豬扒，但係每間餐廳嘅質素都唔同，有啲入味但又鞋，有啲唔鞋又冇味，當然有啲真係又入味又夠嫩口，今日就比我聽到同事話銅鑼灣有間食豬扒超正，就係主打越南菜嘅春嬌。香茅豬扒河粉加荷包蛋：香茅豬扒有兩大塊，醃得入味，肉質軟腍鬆化，老公食到大讚頂呱呱，湯底香濃清甜，滑溜的河粉加上洋葱、芫茜蔥蒜更添口感和味道！加咗隻荷包蛋，煎得幾香。香茅雞翼檬粉：雞翼即叫即炸熱辣辣，雞皮帶有淡淡嘅香茅味，肉質嫩滑，檬粉爽口，掛上香甜湯底好滋味！越南脆炸蝦餅：即叫即炸，蝦餅彈牙鮮甜，外層香脆。咸檸七清涼解渴椰汁冰香甜