春嬌越南河

營業中

休息中

【美食篇】｡ℂ𝕒𝕦𝕤𝕖𝕨𝕒𝕪 𝔹𝕒𝕪✨😁兜兜轉轉都係嚟春嬌食越南🇻🇳菜😁河內生牛肉湯河粉🍜牛骨湯底味道都頗濃,牛肉片一啲都唔韌好入味如果河粉份量再多點就更好🥹咖喱香茅豬扒飯🍛咖喱一啲唔辣,豬扒兩件大大塊又薄身,一啲都唔韌茉莉綠茶(凍)🧊淡淡茉莉配濃濃綠茶好清甜☺️玻璃杯好特別又厚身😳印有春嬌logo及字體😊#相比好多飲食公司既餐飲杯大好多😀牆壁上掛上一幅幅越南🇻🇳壁畫及一頂頂越南🇻🇳帽店舖內佈置充滿越南🇻🇳風味🥰#恍如在越南平民小店內進食💕💕📌春嬌越南河 (銅鑼灣) @chungiuhk 銅鑼灣加路連山道9A號地舖

第一次嬲到要寫評語！首先，我8:45已經坐咗喺外面，當時係冇人招呼過我因為我朋友未到，所以我冇所謂，只好等我朋友嚟先去到8:55左右，有個妹妹服務員叫我坐入去，因為佢哋就嚟收，所以出面要開始收嘢咁我就坐入去，當時櫃位收銀嗰個女員工（我唔知佢係咪老闆娘）已經係咁叫九點要截單，因為我朋友未來關係我即刻打俾佢問佢食咩，諗住幫佢落埋單，我先打住電話㨴咗兩頁Menu，佢就喺個櫃位度係咁講話九點要截單，不停催個妹妹服務員幫我落單，同不停講九點截單，9:30收工！佢係不停重複咁講！其實我已經經常幫襯呢間餐廳，所以知道佢哋都早收工，因而我都即刻睇Menu問朋友食咩快啲落單！但因為佢真係不停重複，又重複咁講嘅關係我就同佢講，其實我已經坐咗出面一段時間，係你哋冇人招呼過我，跟住佢啲態度就越嚟越差，仲質疑我係幾點黎到之類，當刻我真係忍無可忍，就話唔食。我未遇過一間餐廳，一個職員可以咁嘅態度對待（我唔理佢係咪老闆都好！）其實之前已經知道佢哋不停趕收工，有時星期五六佢哋都冇乜客，真係可以9:30就落閘走喺九點至九點半期間，佢哋已經會不停收東西，啲垃圾就喺你身邊拖住走，極之唔開胃。

朋友好耐之前介紹過，特別推薦呢度既叻沙。今日剛好經過，終於有機會一試，除左叻沙，再點左一碗生熟牛肉湯河。先講講叻沙，朋友推薦果然值得一試，叻沙湯底非常濃郁，少少辣辣地，非常惹味，而魚片頭都好爽口彈牙，滿意。生熟牛肉湯河食到一半先記得影，湯底唔錯，生牛肉另外一碟上，如果喜歡將牛肉浸得熟啲既朋友要快手啲落～生牛肉浸一浸肉質依然嫩滑，不過熟牛肉相對有啲啲乾。湯河上菜時不會有青檸辣椒跟住上，但有需要可以問侍應攞，侍應態度都親切有禮貌～

由疫情開舖，食到而家一直都好支持但今日食完之後，真係永遠都唔會再返去食已經事前去餐廳同職員A(事頭婆)講會有BB車講好晒放咩位置BB車推到去餐廳嘅時候，職員A同我哋講話要收起架車頭先講好咗話可以放BB車，結果叫晒嘢食就要我哋收起，覺得我哋阻住佢做生意態度極差，全程無禮對待，去到俾錢都要受佢氣講返嘢食，春卷油益味極重，嗌咗1分鐘就即刻有，唔使講都知咩事啦嗌咗個生熟牛喇沙，啲牛得2片間鋪又污糟，個餐牌黐立立建議大家唔好去食，快餐店都仲好過佢

銅鑼灣lunch time 唔洗特別排隊😀一個人食lunch黎講快靚正都不錯。 12點零黎到仲有2-3枱吉枱，午市: 河內生牛肉河粉 + 涷奶茶 牛骨湯味道唔錯，都夠濃郁。 加埋紫洋蔥一齊食就再惹味啲。牛肉片都有比到3-4片，配料黎講份量都還算足夠。 叫左河粉都夠滑身，只係河粉唔係掛湯之選🤣午市本身包一杯龍眼冰。但心思思又叫左涷奶茶。 而涷奶茶意外地岀色，做到茶味濃郁得黎奶又夠滑👍🏻麵底份量女仔黎食都ok，男仔可能要加多份小食。

第一次嚟食，所以試咗佢嘅招牌蔥油牛肉撈檬，喺鴛鴦春卷同蔥油牛肉之間選擇咗好耐，最後都想試吓佢嘅招牌！混合咗蔥油味嘅撈檬幾香，免治牛肉幾有特色雖然個醬汁好濃，但配合撈檬汁整體感覺好輕盈，口感好特別，下次會encore！埋單免加一HK$56包飲品 性價比好高👍🏻This is my first time here, so I tried their signature scallion oil beef dry noodles. I spent a long time choosing between the yuan yang spring rolls and the scallion oil beef, but in the end, I wanted to give their signature dish a try!The dry noodles mixed with scallion oil are quite fragrant, and the minced beef has a unique character. Although the sauce is very ric

我對其服務質素感到極度失望。首先，當我步入餐廳時，服務員對我的到來顯得冷漠且不耐煩，這種態度令我感到相當不適。雖然當時餐廳並不繁忙，但服務員對我的存在似乎毫不在意，讓人感受到被忽視的尷尬。在點餐過程中，我的需求被草率對待。當我們詢問菜單上某些食物的具體資訊時，服務員的回答顯得非常敷衍。更令我感到失望的是，當我提出對某款飲品的調整要求時，服務員不僅未能耐心解釋，反而以不悅的語氣回應，明顯表現出對我需求的不屑一顧。這種態度使整個用餐過程變得緊張而不愉快。此外，餐點的上菜速度也令人不滿。我等待了相當長的時間才收到洋蔥豬扒包，雖然食物的味道尚可，但因為漫長的等待，已經大大影響了我們的用餐心情。本期待享受一個愉快的下午茶時光，卻因服務質量的低劣而大打折扣。

門口姐姐話用QR code落單有85折，結果用極都用唔到，就叫我入去俾錢。我隔離果兩個都係用唔到。結果我入店正價買，仲要遇著個後生收銀，態度奇差。「你冇用QR code 係咁架啦，係正價冇折架啦」。真係建議大家唔好去貼錢買難受！

喺銅鑼灣行得比較晏就隨便搵間餐廳食🌙見到呢間越南菜有點越南道地嘅裝修好似幾吸引🇻🇳 食物質素方面比較似東南亞菜唔係好正宗🌚 價錢唔算平整體黎講CP值不高呢🤔⭐️ 招牌春嬌火車頭湯粉 🚄湯底比較鹹而且有點味精味🥹 同越南食既牛肉湯底好有距離的感覺的😅牛丸生牛肉等配料都比較較普通冇牛味🐮⭐️ 雞絲扎肉喇沙 🥘越南菜同喇沙好似唔係太大關係🤣 湯底比較油膩而且雞絲偏少🐔順便叫咗春卷都係比較油呢🤨

滿心見到好多like諗住試吓唔係話佢唔好食，但係我今日唔想食牛腩河佢個湯底就係隔離潮州粉麵嘅牛腩河可能我大期望想食甜甜嘅越南河湯底就算落晒香料金不換都挽救唔到嗰個油膩味如果鍾意食牛腩河嘅，你會鍾意食但係我唔使俾$80食碗牛腩河叫咗碗生牛檬粉啲粉少少碎 但啲牛完全唔係生 係全熟嘅肥牛我仲加咗魚片頭 有浸鹼水味 完全係一碗片頭肥牛粉湯底上面講咗 鋪面坐得舒服嘅，因為冇乜人服務都幾好，姐姐好殷勤可一不可再 我想食牛腩河嗰陣時先再嚟啦

Blacklisted.叫牛河粉轉檬粉生牛肉片得兩塊 其他都係超級渣嘅牛腩片湯底又冇乜味Ps 嗰兩塊扎肉係另外加錢加購嘅趕時間 外賣自取平時喺其他舖頭我食湯檬都會加魚露咁我問佢可唔可以比魚露我男職員已經諗住攞俾我裝好咗個女職員似係老闆出到嚟望住張單話我唔係食撈檬態度串串地咁話唔可以比魚露我仲話要收錢我就問佢幾錢佢諗咗一諗 話要$5開天殺價 離晒譜講真 堂食都有得免費拎啦仲要諗住賺埋呢啲錢唔怪得呢度啲留言都係話態度差趕客走完全唔出奇

食越南美食6pm到銅鑼灣剛錯過下午茶春嬌個名幾特別梗係要飲杯志明奶茶香滑，不太甜整體每樣都好味火車頭最好食叻沙好香辣豬扒撈檬一定正網春卷熱辣辣脆香飲杯椰清無咁熱氣離座時7pm 已滿座以前見會排長龍離開時店員們跟我們說中秋節快樂姨姨們很窩心💋

📍春嬌去銅鑼灣食越南菜🇻🇳位置都方便 近中央圖書館個邊～今次晚餐兩個人食一個香茅豬扒湯河一個香茅豬扒撈檬再加一碟炒通菜湯河個湯都幾香兩碗各自都有兩大塊豬扒😆每塊都有一隻手掌咁大😆唔會好似平時香茅豬扒咁乾咁硬可以補充足夠蛋白質～而減肥時期最鍾意食就係撈檬又健康又營養均衡～有大量青瓜絲蘿蔔絲加埋甜酸魚醬汁撈埋濛粉食好開胃🤤夏天食一流🤤通菜好新鮮好爽脆！用QR code落單，仲可以少咸好貼心！

- 鴛鴦春卷叻沙 六點前送熱龍眼水或熱茉莉綠茶 趕得切有野飲送順便提前食晚餐越南春卷兩件 米網蝦春卷兩件 叻沙入面有豆卜 豆卜充滿叻沙 好好味🤤個叻沙湯底我幾鍾意 唔會太濃椰奶味

春嬌是我以往的飯堂之一。現在因為回歸銅羅灣上班，這裡再次成為我每週必去的飯堂之一。但食物的份量似乎有些偏少....咖哩牛腩飯：薯仔份量算豐富，整碗飯上堆滿了美味的薯仔塊。牛腩的份量就只有大約有3-4塊，每塊都經過緩慢燉煮，肉質鮮嫩多汁，搭配著香濃的咖哩醬汁。香茅豬扒雞翼煎蛋飯：包含了兩隻雞翼和一塊豬扒。雞翼經過煎炸處理，皮脆肉嫩，帶有香茅的香氣。豬扒質地嫩滑，但相對較薄身，欠缺了口感。咖哩豬扒：豬扒同樣十分簿身，好彩有濃郁的咖哩醬汁伴飯。小總結❤️❤️❤️📌味道不錯📌肉的份量偏少