吞POT 雞煲火鍋.住家菜 (已結業)

去到 726 樓下，食飯時間，真係人頭湧湧，排隊是常識吧!今次己經係第二次嚟呢間 "吞 POT雞煲火鍋住家菜" 了， 上次來打邊爐，就試左十全大補丸，覺得呢度嘅食物幾有水準，今次收工同同事嚟食，佢好鐘意食雞煲， 但我唔食得辣，出面嘅麻辣雞煲真係食唔到了。上次見到隔離枱食緊嘅胡椒豬肚雞煲，好香好似幾正，我同事贊成，我地叫左半份試下。呢度調味醬汁選擇都唔少，我加少少蒜蓉及蔥花就夠了。這個胡椒豬肚雞煲，就啱曬我咁注重健康嘅人， 湯底香濃，材料十足。 我地一邊飲湯，一邊食雞件及豬肚。雖然係半隻鷄，但係加上豬肚及其他配菜，好滋味。呢啲靚湯，梗係加條皇帝菜吸埋果D鷄湯啦。健康有益。其他火鍋配料水準都唔錯， 尤其係 " 帶子皇 " 名副其實 $108 真係唔算貴。切開一半落水一拖，爽口彈牙，鮮味十分濃郁。