沙田新強記燒鵝海鮮酒家

營業中

休息中

以前黎親沙田都會食強記，可惜已經結業左。今日黎開大圍，發現原來有間新強記，真係好掛住佢個雞粥。細雞粥： 金黃色既粥底，雞既精華起晒入面。個粥超甜同好綿滑，個雞都算滑同咸香味好夠，加埋d 薑絲同蔥好滿足。燒乳鴿： 食既時候有手套提供好貼心，乳鴿熱辣辣好嫩滑，而且食落好juicy, 好彩叫左一人一隻唔使爭。上湯海味雜菜煲： 湯底清甜，蔬菜粉絲菜索晒湯汁。仲有雪耳，黑木耳，菇，粟米仔，蝦米，魷魚，都幾多料。食飽仲有糖水送，有紅綠豆沙，鍾意佢唔會好甜，整體野食都幾好食，雞粥乳鴿必食。