雖處於鬧市區但人流不算太多。
小店比較少人知曉，但食物質素高！
每道菜除了睇得，食得更睇得～
以居酒屋傳統格調洋溢著濃濃日本風，
木質桌椅同燈飾充滿和風，
彷彿置身於日本的小巷中
有炸物，燒物，刺身，卷物，石鍋飯等等給予選擇~
🌈胡椒豬骨湯煮蜆 $78 🥰推薦🥰
清甜豬骨同娃娃菜將蜆的鮮甜吊出，
香胡椒為湯增加香辣的味道，
湯底好鮮甜又暖胃，
呢道好味到不得了，一定要叫！
🌈蒜片牛柳粒石鍋飯 $108 🥰推薦🥰
牛柳粒唔韌且肉汁濃郁，
飯粒充滿牛肉蒜片嘅精華，
連脆香的飯焦一齊食，香氣四溢！
牛柳粒同飯的份量夠兩人食，
呢個價錢食到咁高質素真係回曬本！
🌈火焰鐵板牛柳串 $88
牛柳串上枱後，
店員點上火再淋上酒，
兩串牛柳串立即充滿熊熊火焰，
燒過嘅牛柳粒肉汁被鎖着，外香內嫩。
底下仲有鮮甜的菠蘿唔怕食滯
🌈 彩虹卷 $68
內裡有炸蝦，肉質彈牙飯卷四面都灑上唔同食材
吉列大蝦外脆內爽彈，飯卷沾滿芝麻、蟹籽，口感豐富❣️
🌈原條日本燒魷魚 $98
原條大大隻的魷魚燒完沾上照燒汁，
煙韌彈牙的肉質唔會燒得過老。
🌈燒鲭魚飯 $68
呢個心型飯除左eye catching仲好抵食!
即場燒製的鹽燒鯖魚 邊都燒到好脆
且一點魚腥味都冇
淋上豉油汁更鮮味。
🌈心之蛋卷 $88
即叫即做嘅玉子燒上有兩大個心心so sweet~
內有流心芝士、三文魚同蟹籽，
沾上沙律醬好味！
🌈可樂 $18
有質素的小店一定要給予支持！
