和匠日式燒肉店

營業中

休息中

今日去佐敦突然想食日本野，朋友推介話呢間唔錯，於是一齊入左和匠，裡面有烏冬、麵、小食。和匠海神稻庭手打烏冬，聽個名已經知道係主打菜。用九州豬骨湯底，份量十足，上面有唔少海鮮，帆立貝尤其大件，烏冬晶瑩通透，口感滑溜又彈牙。燒日本產帆立貝，上面有蒜蓉、牛油、黑松露醬，燒完都冇縮水，充滿鮮味同海水味道，黑松露醬同帆立貝配搭新鮮。豚腩肉同美國厚切牛小排。先放豚腩肉上去煎，油香飄成香氣，咬落去口感濃厚，充滿肉味。而牛小排就更正啦！厚切鎖實肉汁，燒到恰到好處，入口即溶，正！最後嘆返杯sapporo。呢一餐飯性價比幾高，佐敦一向多平靚正食物，而今次和匠又係居酒屋式，可以坐得耐，下次會再黎！