李家 (海壩街)

營業中

休息中

日約埋朋友嚟到李家（ 荃灣店），環境舒服，空間感足夠，店員服務殷勤。坐低無幾耐，店員就先送上前菜：醃蘿蔔同埋椰菜絲沙律，兩款前菜好出色，好開胃由其個蘿蔔酸酸地好開胃。我地叫左個2人set再加個泡菜煎餅~炒粉絲真係超級好食，吵到熱辣辣擺上枱面，調味恰到好處，甜味中帶一啲辣味，佢仲要有埋牛肉落去炒令人越食越想食，重點係份量好大!當然仲有最令人期待嘅炸雞，今次我哋揀咗無骨原味炸雞，真係炸到外脆內軟，仲可以鎖住晒啲肉汁，我地掛住吹水D雞擺勁耐都唔會話變林同濕呢下抵讚~泡菜煎餅煎得好香脆，配埋特製醬汁食更能提升滋味。另外，燒年糕配腸仔串燒，處理得好好，年糕外面鬆脆，裏面軟綿綿好好食，配埋腸仔同埋合經典醬汁，真係好夾。仲有脆炸紫菜粉絲卷，咬落去滿滿既粉絲，口感好正，而且調味輕手食落都light。個2人餐仲配埋2罐汽水, 我叫左韓式橙汁, 個fd就話食炸雞必飲可樂😝呢餐食完勁飽又滿足! 下次要再黎~