三星台菜食堂 (The L. Square) (已結業)

好鍾意食台灣嘅紅燒牛肉麵，見到呢間價錢唔貴，就去試下。紅燒牛肉麵 $76湯底好濃，食得出係熬左好耐嘅，好好味。啲酸菜應該唔係外面買返黎嘅。食得出有炒過，仲要係炒得好好食。連我平時唔係特別鍾意酸菜，今次都食曬所有酸菜，就算齋食都好好食！牛肉煮得好軟淋，好食，又有4大件，食完好有滿足感。個麵底煮得啱啱好，好好食。炸甜不辣 $58呢個真係意料之外！本身只係諗住求其叫個小食食下，點知會咁好食。調味調得好好，唔會過鹹，又好夠味。更加正嘅係佢上面有啲蒜粒，將甜不辣點一點啲蒜，就已經好有蒜味，好好食。一定要再食。