影片
更多
2020-08-26
112 瀏覽
喺黃埔行下行下，就行咗去以前返工嘅地方，再行近海心公園附近見到有間舖個名好過癮叫「雞先生🐓」，原來真係賣文昌雞嘅。除咗雞之外，舖頭仲有賣幾款飯，例如🐷豬扒同🐮咖哩牛腩飯等，價錢只係$4X。星期日晚係呀媽嘅休息日，我影餐牌俾佢睇問佢有無嘢啱，順便買埋返去。佢話不如買隻雞返嚟啦，自己煲啖飯就搞掂🤣。原隻文昌雞($168)，🐔雞嚟講，佢確係偏瘦，不過肉都唔算少，呀媽話啜骨先係最正😅。佢食得出隻雞係新鮮雞，因為啲骨夠硬；而且有雞味，並唔係雪到無嚟味道、死死實實嗰種。就我而言，佢最好嘅地方係隻雞夠熟，無見到血👍。雞肉本身無特別醃過，所以味道偏淡係正常。不過店舖同時附上四種特製醬汁，點嚟食味道即刻大不同。幾款醬汁均同其他餐廳唔同，每款都夠哂濃味同惹味🤤，包括有蔥粒嘅雞汁、沙薑汁、薑蓉同口水雞辣醬。其中辣醬更加係無得輸，麻麻辣辣，正！總括嚟講，呢隻文昌雞算頗有驚喜，雞本身已經唔錯，再配埋幾款醬汁食，令人滿意😊。
除咗雞之外，舖頭仲有賣幾款飯，例如🐷豬扒同🐮咖哩牛腩飯等，價錢只係$4X。
星期日晚係呀媽嘅休息日，我影餐牌俾佢睇問佢有無嘢啱，順便買埋返去。佢話不如買隻雞返嚟啦，自己煲啖飯就搞掂🤣。
原隻文昌雞($168)，🐔雞嚟講，佢確係偏瘦，不過肉都唔算少，呀媽話啜骨先係最正😅。佢食得出隻雞係新鮮雞，因為啲骨夠硬；而且有雞味，並唔係雪到無嚟味道、死死實實嗰種。就我而言，佢最好嘅地方係隻雞夠熟，無見到血👍。
雞肉本身無特別醃過，所以味道偏淡係正常。不過店舖同時附上四種特製醬汁，點嚟食味道即刻大不同。幾款醬汁均同其他餐廳唔同，每款都夠哂濃味同惹味🤤，包括有蔥粒嘅雞汁、沙薑汁、薑蓉同口水雞辣醬。其中辣醬更加係無得輸，麻麻辣辣，正！
總括嚟講，呢隻文昌雞算頗有驚喜，雞本身已經唔錯，再配埋幾款醬汁食，令人滿意😊。
張貼
