聯發茶餐廳

營業中

休息中

阿叔約咗我有事商量，佢住九龍城，佢話肚餓，叫我陪佢去食飯，邊食邊傾。阿叔話附近有間聯發茶餐廳，叉燒好出名，叫我試吓！滑蛋蔥花叉燒飯，滑蛋充滿蛋香，非常滑溜，叉燒肉質幾嫩，食落仲有陣陣碳燒香味，加上適量蔥花，可以增加香味和口感。送熱飲品，凍飲加兩蚊，凍檸茶具茶味、檸檬香和酸甜味，少澀味。滑蛋照燒雞扒丼，雞蛋香滑、雞肉的軟嫩濕潤，最淋上香甜照燒汁，非常惹味！常餐：蛋治烘底，炒蛋好厚好香滑！咬落去啲蛋汁仲慢慢流出嚟，麵包烘底之後外脆內軟，香氣四溢！熱鮮奶香滑。法蘭西多，傳統口味，金黃色的西多中間有花生醬，加上牛油和糖漿，非常香口又甜美！