漁初·魚丼 (已結業)

最近去咗長沙灣一間居酒屋度開餐，呢間小店最出名就係食丼飯同串燒，作為丼飯愛好者，加上呢度嘅丼飯款式非常之多，當然要去試吓啦！😝😝😝當晚我哋係坐吧枱位置的，難得可以清楚見到師傅準備食物嘅英姿，我哋簡單點咗一碗三文魚、油甘魚、帶子、玉子燒丼飯、碎蔥吞拿魚腩反卷、蟹膏蟹肉甲羅燒、七味魚翅、燒明太子雞脾肉、燒雞腎及燒雞軟骨。個碗刺身丼飯嘅刺身都幾新鮮的，雖然望落去好似好細碗咁，但係食落都好夠飽的，如果真係唔夠仲可以添飯！另外個甲羅燒同啲串燒都好鬼正的，難怪雖然只係區內嘅一間小店，但都座無虛席！下次再嚟一定要試埋其他小食同串燒呀！😍👍🏻