The Blind Pig (諾士佛臺) (已結業)

放工同朋友去諾士佛台搵野食，見到呢間The Blind Pig氣氛唔錯，又唔洗等位，就入去試下😋餐廳會提供酒吧小食同雞尾酒，野食選擇都幾多。✨Onion rings ($98)朋友話想食下啲熱氣野，我地就叫左呢個Onion rings 送酒。洋蔥圈岩岩炸起，外層炸粉厚度適中，配埋個芝士醬同他他醬食，味道都唔錯。✨Suckling Pig 1/4 ($298)黎到The Blind Pig當然要食豬喇，我地就叫左呢份烤乳豬，我自己覺得係全晚最好味嘅野食😋烤豬皮烤至脆卟卟，入面嘅肉非常嫩滑，肥瘦相間，再配以埋個cream sauce, 非常值得一試。✨Omnipork Nachos ($148)Nachos同樣係送酒必備嘅野食，呢度嘅Nachos 就同左新豬肉去做，岩晒素食人士。我自己就特別鍾意佢個牛油果醬，味道非常清新。✨Bread Pudding ($78)最後當然唔少得甜品喇，呢份bread pudding充滿玉桂香，味道都唔錯。