影片
更多
2021-01-22
24 瀏覽
牛大人最近新開左旺角荷里活分店，梗係要去試吓啦，今次終於有機會去朝聖啦！之前已經聽好多朋友講牛大人性價比好高又好食，今次試完果然係名不虛傳呀❣️我地選擇咗極上和牛吃到飽套餐，午市放題限時90分鐘，火鍋材料、小食、飲品、醬料、甜品都係任食，有部分係自助而有啲就可以用QR code手機落單～-台灣鳳梨雞鍋🍍本身糾結緊湯底要麻辣湯定係鳳梨雞湯，其實兩款都係人氣之選。但係因為嗰日想食清啲，所以最後都係叫咗鳳梨雞湯。湯底裡面竟然有半隻雞同蜆肉😍 仲有苦瓜同大白菜🥬 超足料👍🏻 雞湯非常鮮甜，雖然湯底入邊搵唔到菠蘿肉，但係想必係佢令到個湯底更加鮮甜🤤 想湯底清清地，鳳梨雞湯就係一個唔錯嘅選擇，推介俾大家😉-澳洲和牛A5牛肩卷🐮望落已經夠曬新鮮，肥瘦均勻，有少少入口即溶嘅感覺，唔使點醬料已經夠晒鮮甜，呢款肉我encore咗幾次呀😝-火鍋配料有部份火鍋配料可以用QR code落單，非常方便，點完之後亦都好快送到啦！聽講佢哋嘅漿滑係必試，我地就點咗真味牛肉漿，採用台灣直送材料，食落有濃郁牛肉味，就好似牛丸咁，食落好juicy好鮮甜👍🏻-小食食台灣嘢一定唔可以錯過佢哋嘅小食！我地叫咗台灣腸、鹽酥雞、甜不辣、
-
台灣鳳梨雞鍋🍍
本身糾結緊湯底要麻辣湯定係鳳梨雞湯，其實兩款都係人氣之選。但係因為嗰日想食清啲，所以最後都係叫咗鳳梨雞湯。湯底裡面竟然有半隻雞同蜆肉😍 仲有苦瓜同大白菜🥬 超足料👍🏻 雞湯非常鮮甜，雖然湯底入邊搵唔到菠蘿肉，但係想必係佢令到個湯底更加鮮甜🤤 想湯底清清地，鳳梨雞湯就係一個唔錯嘅選擇，推介俾大家😉
-
澳洲和牛A5牛肩卷🐮
望落已經夠曬新鮮，肥瘦均勻，有少少入口即溶嘅感覺，唔使點醬料已經夠晒鮮甜，呢款肉我encore咗幾次呀😝
-
火鍋配料
有部份火鍋配料可以用QR code落單，非常方便，點完之後亦都好快送到啦！聽講佢哋嘅漿滑係必試，我地就點咗真味牛肉漿，採用台灣直送材料，食落有濃郁牛肉味，就好似牛丸咁，食落好juicy好鮮甜👍🏻
-
小食
食台灣嘢一定唔可以錯過佢哋嘅小食！我地叫咗台灣腸、鹽酥雞、甜不辣、酥脆薯、皮蛋豆腐，味道都非常正宗，簡直就係台灣嘅味道😋 其中，台灣腸真係唔係度度都食到，今次竟然喺香港都食到咁正宗真係幾開心😌十級推介必試❣️
-
自助食品
有部分配料可以喺自助食品區攞，無論係丸子、蔬菜、麵類等都有好多選擇，真係琳琅滿目😆 有啲配料我喺其他放題都冇見過，例如萵荀、炸芋頭、麻辣丸子、寬粉等，選擇超豐富。可惜我眼闊肚窄，一次過試唔晒咁多款美食，唯有下次有機會再嚟試埋其他啦😂
-
飲品
飲品選擇非常多，可能係我見過最多飲品選擇嘅放題🤣 汽水、果汁、茶都應有盡有，之前聽朋友介紹佢哋嘅凍茶，今次我就試咗桂花烏龍同白桃烏龍茶，果然超正😋 鍾意果味濃啲嘅我就非常推介白桃烏龍，白桃嘅味道一啲都唔假，飲落仲好清新添，配火鍋一流呀😌
-
甜品
食完火鍋已經超級飽😂 但係見到佢哋有一款自家製嘅豆腐雪糕聽講幾好食，點都要試一試😛 佢哋嘅雪糕係獨立杯裝嘅，感覺幾衛生。食落有濃郁嘅豆香好清新，雪糕質感嘅細滑，為今餐畫上完美句號😋
張貼
