烏蠅館 (新都城中心二期) (已結業)

🤍烏蠅館🖤將軍澳貿業路8號新都城中心二期地下G10號舖📍烤魚hit咗咁耐，都未試過食，今日同朋友試咗呢間將軍澳嘅烤魚舖頭，估唔到原來咁好食！🐠三峽烤魚珍珠斑 $268今日嘅時令烤魚有珍珠斑、海鱸魚同清江魚，我哋試咗味道比較清甜嘅珍珠斑，再揀咗🌶傳統麻辣口味，烤魚即叫即煮，啱啱上枱嗰陣熱辣辣，食落肉質鮮甜嫩滑！魚骨又唔算好多，再加埋雞髀菇、合掌瓜同埋芋絲索哂麻辣味，食唔停口啊！🍜四川寬粉 $28食麻辣湯底當然要叫返個寬粉，啱晒索晒啲湯，記得要快啲撈返上來，咁個口感就可以煙靭啲🍡紅糖糍粑 $24最後甜品叫咗個紅糖糍粑，外脆內軟，最正係佢呢隻係一咬落口就會紅糖爆漿！而唔係就咁點紅糖漿個款！🍯凍桂花蜂蜜/🌹凍玫瑰蜂蜜 $18食辣嘢叫咗兩杯凍飲解辣，兩杯飲品都唔算好甜，個底都有好多桂花或者玫瑰花碎❤️