ChumChum味 (已結業)

秋冬到了食蟹季節，咩蟹都好肥美又鮮甜，好耐無食韓國菜，所以黎到朋友介紹嘅韓國味道濃嘅chum chum 味，韓國oppa接待，無得去旅行，去韓國餐廳都照殺啦！柯打左一隻醬油蟹，將未經烹調的生蟹放在醬油中醃製而成，一啖咬落蟹體有蟹膏又有蟹肉，蟹膏香濃，蟹肉超滑有膠質，因為叫左個面所以試唔倒米飯小偷嘅食法，整體覺得好鮮甜，讓人不禁多番回味。成日食韓國菜都係人蔘雞湯，辣豆腐湯，今次試下炒碼面，其實就係辣海鮮面，有好多海鮮料，加彈牙嘅韓國面，海鮮湯辣勁十足。黎食韓國菜唔少得嘅炸雞，我哋叫左半客蒜蓉調味炸雞，半客份量都好大，又雞髀又雞翼蒜蓉味香濃，甜甜地唔錯。加埋餐前小菜非常滿足呀。