반찬앤쿡 Banchan and Cook (太古城中心)

營業中

休息中

餐廳裝修好靚，枱面玻璃下面有花/樹葉。要係門口落單先，然後等部機響就可以出去拎嘢食啦。餐具同水都係自助形式。泡菜炒五花肉蛋包飯餐牌入面有蛋包飯享用方法架，一切開就見到啲蛋滑晒落黎好吸引。韓式辣炒年榚除左年糕仲有魚糕同炸餃子，好抵食。個汁唔算好辣，幾開胃。蜜糖炸雞（無骨半份）唔係平時食個啲bbq蜜糖，係蜂蜜黎架！所以甜得黎唔漏，勁搶手。新鮮炸，咬開入面超熱。仲有薯條同年糕伴碟。黑芝麻提拉米蘇好濃黑芝麻味，好軟熟creamy。好大件，建議多啲人share.青檸梳打+無花果梳打好清新，冇好甜，唔錯。