影片
更多
2006-01-17
3 瀏覽
第一次黎咋!都係因為完成左個project,老細請成條team食飯,所以先會黎!因為有成七個人,都要左好多野,其中比較特別係個爆牛肉,用鐵板上,仲親眼望住個侍應將牛肉一片片放上去,沙沙聲,然後香噴噴,而且仲熱辣辣,但係原來都幾辣喎,我唔食得好多!另外一個叫梅菜肥牛包,比想像中好喎,因為我本來以為好油好膩,但原來唔係,所謂肥牛都唔係真正好肥,而且幾多梅菜,而梅菜又好味,個包熱食最正!至於擔擔麵,叫既時候佢話一窩俾四人分享,咁我地又叫左咁多點心,咪諗住一窩大家分,點知話就話四人,但七人都可以分到每人大大碗,夠有餘!味道方面,我覺得只屬一般,ok啦!人人話唔辣,但我就覺得有少少辣啦,個湯底都有少少油…小籠包都循例非吃不吃,我覺得不過不失啦!仲有一款係個侍應推介,叫素鍋貼,聽個名好清,上桌見到個皮係綠色,好特別又好似好健康,但食落反而唔太鍾意,因為雖然材料全素,但係油,真係油,都唔係想像中咁健康!味道方面,我寧願食番普通鍋貼!不過,又有一樣好好好好味既野喎!就係芝麻油餅,好香口好脆好有芝麻香,又薄喎!一食就唔停到口喇!如果有多d又或者唔使顧禮儀,我諗我真係可以一個人食晒成碟囉!呢個推介呀!我仲
因為有成七個人,都要左好多野,其中比較特別係個爆牛肉,用鐵板上,仲親眼望住個侍應將牛肉一片片放上去,沙沙聲,然後香噴噴,而且仲熱辣辣,但係原來都幾辣喎,我唔食得好多!另外一個叫梅菜肥牛包,比想像中好喎,因為我本來以為好油好膩,但原來唔係,所謂肥牛都唔係真正好肥,而且幾多梅菜,而梅菜又好味,個包熱食最正!至於擔擔麵,叫既時候佢話一窩俾四人分享,咁我地又叫左咁多點心,咪諗住一窩大家分,點知話就話四人,但七人都可以分到每人大大碗,夠有餘!味道方面,我覺得只屬一般,ok啦!人人話唔辣,但我就覺得有少少辣啦,個湯底都有少少油…小籠包都循例非吃不吃,我覺得不過不失啦!仲有一款係個侍應推介,叫素鍋貼,聽個名好清,上桌見到個皮係綠色,好特別又好似好健康,但食落反而唔太鍾意,因為雖然材料全素,但係油,真係油,都唔係想像中咁健康!味道方面,我寧願食番普通鍋貼!不過,又有一樣好好好好味既野喎!就係芝麻油餅,好香口好脆好有芝麻香,又薄喎!一食就唔停到口喇!如果有多d又或者唔使顧禮儀,我諗我真係可以一個人食晒成碟囉!呢個推介呀!我仲想講薰蛋,外表靚,唔知點解蛋都可以整到甜甜地,味道唔差,衰在好漏,食完覺得有d飽!下次都係食一半算…當然仲有他菜色,全部都有咁上下水準,但係唔算太特別,所以在此省去。
但係,唔可以唔提係甜品。我地要左兩款,其一係杏仁西米露,好香杏仁味,清而不膩,唔錯!但最好還在後頭,就係另一款,名為杞子桂花糕,又靚又好味!糕件小小分兩層,下層係豌豆黃糕,甜甜地,上層晶瑩通透,桂花同杞子清晰可見,一食就有淡淡桂花味,好清新,唔會太甜,我從來未食過咁清咁light既中色甜品,值得試試!
張貼