麵屋神匠

營業中

休息中

每一次搭地鐵去油麻地都會行經一條巷，見到有間麵屋神匠，門口一定有食客排隊等入座。心諗這間麵店那麼受歡迎一定好好食。今天就和女兒過來試一試。麵店裝潢好有日本格調，店內掛滿許多一串串圓圓的燈籠，牆壁上的壁畫，枱椅的擺設等等，都好有日本居酒屋的風格。麵店主要提供拉麵同沾麵。濃厚蝦湯拉麵，奶白色的湯底以日本甜蝦、赤蝦、蝦乾熬成，味道濃郁鮮甜，用料有日式叉燒、溏心蛋、紫菜，並加不少櫻花蝦，令湯底鮮上加鮮，拉麵軟硬適中，掛湯後彈牙又鮮味。火炙叉燒醬油拉麵：入口即溶的火炙豬腩肉肥瘦適中，焦香味濃厚，軟腍入味，反之醬油湯底沒有蝦湯那麼濃厚，適合食得比較清的食客，又是另一種風味！炸日式餃子，餃子外皮煎至脆口, 餡料有豬肉碎同蔬菜，味道鮮甜有肉汁。