古今二 (荃灣千色匯I) (已結業)

今日晏晝約左朋友去荃灣，朋友話想食日本野，於是去咗位於千色滙既古今二。首先，叫咗沙律柚想蝦你，入面有柚子粒生菜、牛油果、蝦等，配上黑醋汁真係好開胃。卷物方面，叫咗火山同金龍卷，金龍卷真係做到好似隻金龍咁，入邊係炸到脆口嘅天婦羅蝦，上邊配左三文魚同啲芝士真係好惹味。卷物火山都做到一個小山丘咁，上面鋪咗蟹柳同埋帶子，卷物入面又有青瓜同牛油果，令到卷物口感又提升。熱食就叫咗玉子燒，個賣相好吸引，上面仲有燒過既芝士，味道一流，真係不得了。仲有叫咗煎餃同鹽燒三文魚頭，兩樣食物都做得不錯，夠熱同埋味道不錯，值得一試。