牛大人台灣火鍋吃到飽 (荷李活商業中心)

營業中

休息中

我個人最鍾意［安格斯牛小扒］，油脂分怖平均，賣相好靚仔，肉質柔軟嫩滑，入口細緻，牛鮮味濃郁🐮！［澳洲和牛M5牛肩卷］嘅肉味更濃，牛脂肪甘香，肉質比較有嚼勁😁。［牛胸爽］好特別，好薄嘅軟骨質感，非常爽口，必試🤤！［私房鴨血］都記得要食，好滑又 Q彈，淡淡香料味好惹味，浸完湯更一流。［章魚珍珠漿］好似係期間限定，滿滿海水鮮味嘅旗魚漿，配合章魚粒，鮮味又彈牙，好有驚喜😍😍！［牛媽秘製滷水］有兩款，牛筋好入味又煙韌，原來配打邊爐都幾好。打邊爐梗係要飲啲嘢，［18+冬瓜茶］係威士忌🥃＋台灣道地冬瓜茶，冬瓜茶嘅焦糖甜透出陣陣威士忌微辛，順口易入喉，好特別嘅 cocktail 🍹。唔記得講，今次選擇［藥膳牛蒡鍋］滋補一下，大量新鮮牛蒡＆芫茜，健脾又下火，湯底仲有濃郁牛骨湯味😊。