Mee...lemongrass (將軍澳中心) (已結業)

今日去咗同婆婆試東南亞菜， 婆婆比較鍾意食濃味嘅嘢食 。今次由我發版叫咗個 大蝦蜆肉蟹柳魚蛋海鮮喇沙畀婆婆食， 我自己就叫咗個馬來西亞蜜汁炭燒厚切豬扒撈檬， 仲叫咗個小食拼盤畀班細路食 加多個軟殼蟹米紙卷， 同埋椰汁千層糕， 飲品就叫咗茉莉珍珠奶茶同埋烏龍珍珠奶茶，可以試下兩隻唔同嘅茶底。今次真係可以好簡單咁講全部都好好食，完全冇缺點，婆婆仲話個喇沙湯底好好食，淨係個湯底都可以送多碗飯。軟殼蟹米紙卷，椰汁糕同小食拼盤 好味程度係 秒清。今次冇帶公公來 下次一定要帶埋公公嚟試下佢嘅 蜜汁炭燒厚切豬扒。