影片
更多
2022-08-13
16 瀏覽
攝影：@wingwing.foodfood為咗食好味串燒可以去到幾盡？話說我去到地下，發現全部𨋢都壞晒，再望一望餐廳地址，喺25樓！🥶 最後我同朋友決定......行樓梯。（好彩行到十幾層，我已經就嚟腳軟嘅時候，部𨋢整返好）一直想試呢間嘅串燒好耐，呢度賣點係用備長炭炭燒，每一串都帶炭燒味，好似BBQ咁。同朋友兩個試咗10幾款食物，以下呢3款最深印象：✨熟成雞腿肉 $45欣賞佢做到皮香脆、肉嫩滑，發揮到備長炭嘅優點，燒到乾身但油膩，係我最鍾意嘅一串。必嗌！✨牛舌$58牛舌燒得juicy，賣相有光澤，一定要加檸檬汁食呀。✨焦糖蕃薯配雪糕一大條金黃色嘅蕃薯，一上枱就覺得賣相好吸引！焦糖佈滿成條蕃薯，刮起熱辣辣嘅蕃薯肉，再𢳂一羮雲呢拿雪糕，用呢個甜品作結，夠晒滿足。（仲唔驚唔夠飽～）————燒甘口嘉美雞翼 $48外皮有啲似牛油雞翼，好啱送酒，朋友話鍾意呢款。雞皮皺褶一樣嘅雞皮，唔係鹽燒，而係加咗燒汁，好似食緊卜卜脆嘅小食咁。杏鮑菇燒得幾Juicy ，配柚子胡椒幾夾，帶炭香唔突兀。除咗串燒，比較特別係煙燻雞肉他他，撈生蛋黃食口感滑溜，不過略鹹，蓋過咗雞肉他他應有嘅鮮香。本身仲諗住可以食到提燈，
攝影：@wingwing.foodfood為咗食好味串燒可以去到幾盡？話說我去到地下，發現全部𨋢都壞晒，再望一望餐廳地址，喺25樓！🥶 最後我同朋友決定......行樓梯。（好彩行到十幾層，我已經就嚟腳軟嘅時候，部𨋢整返好）
一直想試呢間嘅串燒好耐，呢度賣點係用備長炭炭燒，每一串都帶炭燒味，好似BBQ咁。
同朋友兩個試咗10幾款食物，以下呢3款最深印象：
✨熟成雞腿肉 $45
欣賞佢做到皮香脆、肉嫩滑，發揮到備長炭嘅優點，燒到乾身但油膩，係我最鍾意嘅一串。必嗌！
✨牛舌$58牛舌燒得juicy，賣相有光澤，一定要加檸檬汁食呀。
✨焦糖蕃薯配雪糕一大條金黃色嘅蕃薯，一上枱就覺得賣相好吸引！焦糖佈滿成條蕃薯，刮起熱辣辣嘅蕃薯肉，再𢳂一羮雲呢拿雪糕，用呢個甜品作結，夠晒滿足。（仲唔驚唔夠飽～）
————燒甘口嘉美雞翼 $48
外皮有啲似牛油雞翼，好啱送酒，朋友話鍾意呢款。
雞皮皺褶一樣嘅雞皮，唔係鹽燒，而係加咗燒汁，好似食緊卜卜脆嘅小食咁。
杏鮑菇燒得幾Juicy ，配柚子胡椒幾夾，帶炭香唔突兀。
除咗串燒，比較特別係煙燻雞肉他他，撈生蛋黃食口感滑溜，不過略鹹，蓋過咗雞肉他他應有嘅鮮香。本身仲諗住可以食到提燈，但咁啱餐廳無貨，有啲可惜呢。
人均食咗 $350
張貼
