影片
更多
2012-08-31
1022 瀏覽
舊年「蝦佬喂」o黎食過一次, 食完去「蝦佬喂」真係好順路, 所以今年再接再厲...不過今年唔知點解好爆, 間晒房, 我地要坐係D路口轉角位+收集食完嘅杯碗碟膠盤側邊... 感覺很不是味兒...朋友們ORDER咗幾樣招牌菜, 我都冇睇過餐牌, 所以唔係好記得D餸名...杏汁白肺湯--必吃招牌菜之一, 杏汁味好濃, 不過好似比舊年稀咗...啫啫蝦醬生菜煲--又一必吃招牌之作!!! 生菜份量好足, 蝦醬香濃惹味... 明知好肥, 但係都忍唔住口...脆鱔球--好正!!! 鱔球又香又脆, 仲落埋同樣係脆脆地嘅蘋果一齊炒, 減低咗油膩感, 酸酸甜甜好開胃...石鍋駌鴦雞--好熱呀D油, 彈到週圍都係, 仲彈咗好耐... 而且D油多到浸住晒D伴菜, 好恐怖呀!!! 唔敢食個底!!! D駌鴦雞味道冇咩特別, 唔知鴛鴦個名何來... (ORDER時仲幻想有2種做法嘅雞放埋一切)仲有一味已經完全唔記係咩, 睇個樣似排骨炒年糕, 印象中味道都OK架...必吃嘅甜品孖寶... 焗西米連蓉布丁 & 紅薑皮蛋酥!!!焗西米連蓉布丁--依然美味!!! 不過轉咗做一位位上, 以前係一大盤~ 紅薑皮蛋酥--依然美
不過今年唔知點解好爆, 間晒房, 我地要坐係D路口轉角位+收集食完嘅杯碗碟膠盤側邊... 感覺很不是味兒...
朋友們ORDER咗幾樣招牌菜, 我都冇睇過餐牌, 所以唔係好記得D餸名...
杏汁白肺湯--必吃招牌菜之一, 杏汁味好濃, 不過好似比舊年稀咗...
啫啫蝦醬生菜煲--又一必吃招牌之作!!! 生菜份量好足, 蝦醬香濃惹味... 明知好肥, 但係都忍唔住口...
脆鱔球--好正!!! 鱔球又香又脆, 仲落埋同樣係脆脆地嘅蘋果一齊炒, 減低咗油膩感, 酸酸甜甜好開胃...
石鍋駌鴦雞--好熱呀D油, 彈到週圍都係, 仲彈咗好耐... 而且D油多到浸住晒D伴菜, 好恐怖呀!!! 唔敢食個底!!! D駌鴦雞味道冇咩特別, 唔知鴛鴦個名何來... (ORDER時仲幻想有2種做法嘅雞放埋一切)
仲有一味已經完全唔記係咩, 睇個樣似排骨炒年糕, 印象中味道都OK架...
必吃嘅甜品孖寶... 焗西米連蓉布丁 & 紅薑皮蛋酥!!!焗西米連蓉布丁--依然美味!!! 不過轉咗做一位位上, 以前係一大盤~
紅薑皮蛋酥--依然美味!!! 紅薑同連蓉出奇地夾... 熱辣辣, Yummy...
環境幾嘈(因為爆滿), 服務員態度友善, 手腳好快... 味道中上...以今時今日嘅物價, 1個快餐都要40-50蚊, 呢度咁多好o野食先110蚊1位, 仲要響中環區, 簡直係超值...
張貼
