M3 Italian (已結業)

朋友約沙田食飯，以為食雞粥，點知食意大利菜，呢間餐廳唔係太就腳，需要摸索，咦，餐廳出面排哂隊，好彩朋友已經攞咗枱啫！柔和燈光，浪漫既情調，希望食物都唔差喇!如其他餐廳一樣，自家制麵包，不過不失，鬆軟新鮮，我個人特別喜愛意大利黑醋，所以叫咗green salad , 蔬菜好鮮翠，配以橄欖油，黑醋，絕配，正👍, 再叫咗vegetable pizza , 即時烘焙，估唔到咁鬼好味，pizza 㡳薄薄的，好香好脆口，配上新鮮蔬菜，食哂一個都冇肥膩感覺，水準之作👍 甜品叫咗開心果疏乎厘，就比較遜色，無論甜度，鬆軟度都沒有驚喜，但總括環境，食物質素，服務水準，我會再次光顧👍