心夜來潮 (已結業)

本身都知道有呢間鋪頭，但鋪頭細細經常要等位，同埋比較偏向係室外，所以夏天食嘅時候都比較熱，加上佢哋出名係砂鍋粥，所以就更加熱，而家知道佢哋搬咗嚟商業大廈嘅樓上鋪，係全室內，而且冷氣好夠，裝修環境不錯地方都唔算迫，之前已經食過砂鍋粥覺得唔錯，今次想試吓佢哋其他小菜，所以我今次就叫咗京燒蝦碌，佢哋好細心咁用咗鐵板上，所以啲客都可以keep住咗熱辣辣嘅溫度，易啲蝦都幾大隻，份量亦都唔係話少，個汁就用咗類似京都骨味道嘅醬汁去整，所以幾開胃，而啲蝦肉都比較彈牙，幾新鮮，之後又係欖菜肉碎炒豆角，炒得好好味，唔會話太油膩，啲豆角都好爽口，最後就叫咗個香辣魚仔炒花甲王，夾發夾你都之後都覺得幾驚訝，因為花甲份量都好多，而且大大隻，啖啖肉，再加上用香蘭佢調味，所以比較惹味而且又不會太辣👍🏻👍🏻👍🏻