心夜來潮 (已結業)

今晚約咗老死食晚飯，地點是難得的旺角，諗緊食乜好，朋友話好耐冇食潮州嘢，就諗起一年前試過的心夜來潮，上Openrice睇吓，原來搬咗到旺中對面，位置好方便。十七香牛雜鍋（小），兩條佬，一見有牛雜，二話不說，點！！餐廳會用火爐一直為牛雜鍋加點，令到啲牛雜唔會因為凍咗，而覺得油膩。一個小小的鍋，包含了不少的牛雜，味到和外面的檔仔有得比。傳統鴨蛋煎蠔烙，傳統的潮州蠔餅是會用上鴨蛋的，因為鴨蛋的蛋味比雞蛋更突出。蠔餅用料不慳錢，啖啖蠔肉，餅邊煎得很脆口，而且一點也不油膩，沾上魚露，就算幾大幾厚，都清咗佢！正宗汕頭手打牛肉丸，粒粒都強爆彈牙，由於手打的關係，牛丸佈滿氣孔，就算唔係醬爆牛肉，一口咬下，都有些湯汁由牛丸中飛爆入你的口內。小米餃，外皮很煙韌，一口一粒，好方便。內裡的豬肉也做得很入味，建議不用沾醬料來吃。爆炒醬啫秋葵，第一次接觸呢種秋葵的炒法，一個字“試”，因為可以令平平味道的秋葵帶來了一個很惹味的食法。