影片
更多
2017-09-22
260 瀏覽
以前成日出旺角行街唱K食飯，但自從多左好多大陸人迫爆旺角之後就好少出去，今日出開去買野順道覓食，揀左位於旺角中心對面上樓嘅「心夜來潮」食潮菜！估唔到平日都咁full, 7點左右已經坐滿，好彩等左一陣之後都好快有位。呢度最出名砂鍋粥，我地都order左一個細煲。叫左最鐘意食嘅豬潤同埋幾款海鮮，湊夠$180（因為一個細煲粥係$180起，斷餸計算，粥底免費）。等左二十分鐘左右，終於上枱！嚇親左！好大煲！一啲都唔細！我同老公每人食左4、5碗（最起碼）！粥底好綿好滑，唔會太杰又唔會太稀，濃度剛好。豬潤大大片，份量非常多，煮得亦算嫩滑，其他海鮮都好鮮甜，特別推介$10一隻嘅鮑魚，彈牙之餘仲好鮮味，勁正！另外配上嘅芫茜同葱花撈埋落去更好味！見到隔離枱叫左蟹粥，個樣好吸引，等我下次試下先！潮州菜我同老公最like胡椒豬肚湯，去到邊都要嗌！呢度嘅胡椒豬肚湯呈奶白色，但係胡椒味十足，豬肚洗得乾淨之餘完全無怪味，而且份量好足，湯裏面嘅蘿蔔亦頗清甜，唔錯唔錯！豬油渣炒菜心雖然係好簡單嘅菜式，但食落菜心清甜，最重要係惹味得黎唔會太油膩，好好味！餐牌仲有好多選擇，本來仲想叫甜品同埋擂茶，但係已經飽到飛起！唯有下次
以前成日出旺角行街唱K食飯，但自從多左好多大陸人迫爆旺角之後就好少出去，今日出開去買野順道覓食，揀左位於旺角中心對面上樓嘅「心夜來潮」食潮菜！
估唔到平日都咁full, 7點左右已經坐滿，好彩等左一陣之後都好快有位。
呢度最出名砂鍋粥，我地都order左一個細煲。叫左最鐘意食嘅豬潤同埋幾款海鮮，湊夠$180（因為一個細煲粥係$180起，斷餸計算，粥底免費）。等左二十分鐘左右，終於上枱！嚇親左！好大煲！一啲都唔細！我同老公每人食左4、5碗（最起碼）！粥底好綿好滑，唔會太杰又唔會太稀，濃度剛好。豬潤大大片，份量非常多，煮得亦算嫩滑，其他海鮮都好鮮甜，特別推介$10一隻嘅鮑魚，彈牙之餘仲好鮮味，勁正！
另外配上嘅芫茜同葱花撈埋落去更好味！見到隔離枱叫左蟹粥，個樣好吸引，等我下次試下先！
潮州菜我同老公最like胡椒豬肚湯，去到邊都要嗌！呢度嘅胡椒豬肚湯呈奶白色，但係胡椒味十足，豬肚洗得乾淨之餘完全無怪味，而且份量好足，湯裏面嘅蘿蔔亦頗清甜，唔錯唔錯！
豬油渣炒菜心雖然係好簡單嘅菜式，但食落菜心清甜，最重要係惹味得黎唔會太油膩，好好味！
餐牌仲有好多選擇，本來仲想叫甜品同埋擂茶，但係已經飽到飛起！唯有下次先再試吧！
張貼
